• 2:38 مساءاً




روايات طويله منتدى فزاع

إضافة رد
عضو فـعّـال
تاريخ التسجيل: May 2015
المشاركات: 1,465
معدل تقييم المستوى: 10
Dr.Oz is on a distinguished road
18 - 05 - 2015, 03:11 PM
  #1
Dr.Oz غير متواجد حالياً  
افتراضي روايات طويله منتدى فزاع
وسلاماً على عقلي الذي جُن بِك

توها واعيه من الرقاد بعد يوم طويل بالنسبه لها صدت الصوب الثاني تدوره

عليا تزقره : فهد .. فهد -ماسمعت صوته!!!
عليا ترمس بصوت خفيف : اويه ليكون شرد لا لا استغفر الله ريال توه معرس شو بيشرده و بعدين ليش يشرد خدامه مثلاً ... ليكون خاف من شكلي و انا نايمه اويه شسوي الحين
عليا سمعت صوت ماي -حطت ايدها ع قلبها- افف الحمدالله انه بعده هني المهم انا لازم اقوم و اتكشخ قبل مايشوف ويهي جي و يخاف
توها بتقوم من اللحاف سمعت صوت باب الحمام بتبطل
عليا: اويههه شسوي -تغطت بالحاف و قامت- فهد انا بسير الحمام
فهد : هههههههه حد يسير الحمام وياخذ اللحاف وياه ليكون بتكملين رقادج فالحمام
عليا قفطت : لا بس شسمه
فهد : هههه شو؟
عليا : انزين انته قوم عن باب الحمام ابا ادش و عقب بقولك
فهد : ههههه على راحتج حبيبي
دشت الحمام و ف خاطرها - انته حبيبي و قلبي و عمري و كلهم بس شسوي استحي ارمسك جي-
فهد سار يتلبس - لبس كندوره بيضا و غتره حمرا و تعطر و حطله دهن عود و خذ نظارته و طلع من الغرفه عسب تطلع و تاخذ راحتها-
عليا فالحمام تقول ف خاطرها حمدالله انه امس سلمنا عليهم و جي مافينا نرد هناك و اصلن بنتاخر عالطياره
خلصت عليا نشفت شعرها و لبست لقنز اسود و قميص لونه عنابي مكتوب عليه بالأبيض و لبسة اسواره سودا و رفعة شعرها و طلعت عنده
عليا مستحيه : فهد انا ييت
لف فهد صوبها : خلصتي؟
عليا : يوعانه
فهد : انزين قومي لبسي عباتج بنروح نتريق
عليا لائِرادي : فهد حبيبي حياتي قلبي خلني اطلع جي بدون عباه😢
فهد منصدم اول مره يسمعها جي تقول😦!
عليا حست انها قالت شي غلط😬
فهد حب يلطف الجو : انزين لبسي بس شيلتج
عليا فرحانه و تناقز جنها ياهل : يسسس و راحت عنه 💃
فهد : ههههه بصوت واطي فديت الياهل انا
عليا عقب مالبست الشيله و تسبحت بالعطر راحت عنده : خلصت
فهد : دخلي قصتج و لا ماشي ريوق
عليا : افف من أولها جي
فهد شاف ريلها و ابتسم : يتطلعين بدون نعال بعد 😂!
عليا قفطت : اصلن شسمه قلت براويك شكلي و برد البسها
فهد : هههههههه انزين يالله لبسي بسرعه و تعالي اذا تاخرتي بروح عنج
عليا : اف انته كل شي تباه بسرعه !
عليا دشت الحجره و لبسة كعب لونه اسود و تتحرطم : اف انا ماعرف امشي بالكعب بس لازم أكون طويله انا ولا شي يوم اوقف عداله 😂😳
لبست و طلعت مالقته : اففف ليكون صدق سار عني و ماشي ريوق ي ربييي شسوي الحين -بطلت باب الحجره و طلعت راسها بتشوف اذا هو برع ولا تولها بتسكر الباب حد مسكها و حط ايده على عينها : ع وين
عليا : كنت ادورك
فهد يبا يغايضها : حلفي ؟
عليا : يعني بشرد مثلاً؟
فهد : شدارني عنج !
عليا عصبت: اف يعني مابنتريق؟
فهد : لا غيرت رايي خلاص مب لازم نتريق
عليا : انته كيفك انا بسير
فهد عصب : عكيفج !!!!
عليا خافت : ءءء لا بس خلاص مب يوعانه بروح الحجره -دمعة عينها مسحتها و راحت الحجره و سكرة الباب -😢
فهد - كسرت خاطره - سار يدق الباب : عليا .. علايه
ماسمع صوتها تروع عليها
بطل الباب و دش مالقى حد فالحجره : علايه !!
لقاها يالسه عند البلكونة و تصيح - حليلها يوعانه و هو يهزبها😂😔-
عليا : مممم
فهد يبتسم : شو فيها علايتي
استحت عليا بس ماحبت تبين له : مافيني شي .. متى الطياره
فهد : الحين الساعه كم !
عليا : مادري مب لابسه ساعه
فهد سار يشوف فونه : الحين 9 .. الساعه 10 و نص بنروح
بطن عليا يسوي صوت : ها اسمع والله يوعانه حرام عليك
فهد : ههههههه انزين يالله قومي - و قف و مسك ايدها-
عليا بعدها يالسه : هات ايدك الثانيه -مسكته و قامت -
فهد : شكلها عايبتنج ايدي
عليا بطلت ايده - حز ف خاطرها - : فهد يالله
فهد ببرود : انزين
عليا طلعت قبله
فهد يمشي ورآها - احلى شي يوم اغايضها😂-
تريقو و ردو الحجره
عليا : كل اغارضك داخل !
فهد منسدح ع الشبريه : مادري انتي جوفي اذا شي تم ولا كل شي داخل
عليا تضايقت منه : والله بفلعك ب ها - مسكتله الكعب-
فهد : هههههههههههه أحب اغايضج انزين
عليا طلعت برع و ترمس بصوت عالي عسب يسمعها : رتب أغراضك بروحك مايخصني ف شي - بطلت التلفزيون و يلست تشوف فلم ع mbc 2
فهد بعده منسدح - حد اتصله - علايه سمعت فونه يرن انخشت ورا الباب
فهد : مرحبا ... لا حبيبي محد عندي ... والله محد شو فيج .... هذيج يالسه فالصاله ... الساعه 10 و نص ليش ... حلفي بتين .. ك اترياج .. بنتفاهم عقب يالله بسكر ... افف مشغول شو فيج
-صوب عليا-
محد يدري بحالها - الحيوانه يقولها بسكر ماتخليه شو تبا فيه افف انا بعد ليش لين الحين ساكته -
بطلت الباب و دشت و هو بعده يرمس فالفون - فهد حط أيده ع ثمه انه يعني اسكتي -
فهد : انزين علي مشغول الحين عقب برمسك .. ي ريال قلنالك عقب .. انزين باي
علايه تصارخ : منو هاي الي بتشوفها فالمطار - تصيح-
فهد : مايخصج - طلع بررع و رد دخل - رتبي الشنطه
عليا تصيح - حست انها تصيح بدون فايده
هدت عمرها شوي و رتبت شنطته و حطتها عدال شنطتها
و ع الساعه 10 لبسة عباتها و يلست تترياه شوي و سمعة الباب يتبطل سوت عمرها ماتدري انه يا
فهد : خلصتي
عليا بدون ماتشوفه : هي
فهد : انزين يالله ننزل - و طلع-
عليا لحقته بهدوء
فهد : سيري السياره بييج الحين
عليا سارت و هي متضايقه منه وصلت السياره و ركبة جدام و شغلت الاف ام و يلست تترياه شو و ي فهد و ركب : اقولج
عليا : مم
فهد : ترا انا اسف
عليا صدت تطالع برع
فهد : علايتي
عليا : ها فهد
فهد يتأمل ويهها
عليا : شو تشوف .. هههه ليكون تتخيلني الي كنت ترمسها -تظحك بستهزاء-
فهد ابتسم و صد عنها
وصلو المطار
نزل فهد و عليا تعدل شيلتها يا عندها و فتح الباب
فهد يبتسم : اشلج
عليا : لا مشكور روحي بنزل
فهد : انزين يالله
نزلت عليا و فهد مسك ايدها و عليا يرت ايدها
دخلو المطار و عليا شافت فهد : تدورها ؟
فهد : هي
عليا تفور 🔥: كيف شكلها يمكن أعرفها
فهد : بيضا و قصيره وياها واحد -يقصد عليا-
عليا مافهمت : وياها واحد شو تبا فيها
فهد : احبها
عليا : حبك برص انته و هي -مشت جدامه-
فهد - الله يخلي شما عسب اغايضج ( الي كان يرمسها فهد اخته ) بس يارب ماتشوفها عسب ماتفشل-
رن فون فهد صدت عليا تشوفه
فهد يرمس بصوت خفيف : تستهبلين .. كيف مابتين .. افف يعني ربيعتج مامرضت الى اليوم .. انزين باي
و عليا مستغربه : شو فيك
فهد معصب : ماشي .. يالله عن نتاخر
عليا سوت طاف و مشت .... .... ركبو الطياره عليا يلست عند الجامه و هو عدالها
عليا : بلاك
فهد معصب : افف انتي ماتسكتين - حليلها من الصبح مارمست😂-
عليا بوزت : افف الحين هاي العنز عسب مايت جي عصبت
فهد سوالها طاف
رقدت عليا بدون ماتحس حطت ايدها ع ايده و هو رص عليها و فهد مبتسم بعد فتره نشت عليا شافت فهد راقد و هي ماسكه ايده - افف حمدالله راقد ولا جان قال عايبتنج ايدي ( تقلد صوته ) طبعاً فهد يسمعها ابتسم و عليا تتحراه يحلم
عليا : عفانا الله حد يضحك و هو راقد
فهد فتح عينه : منو قالج اني اضحك و انا راقد
عليا سحبت ايدها و سكرت عينها اونها راقده
فهد ابتسم و يلس يشوفها و مسك ايدها و هي ماقالت شي فتحت عينها تبا تشوفه اذا رقد ولا
فهد شافها : هههههههه
عليا : فففههدد😫
فهد : ها فهد 😂
عليا : - ماتعرف شو تقوله - ءء شسمه متى بنوصل
فهد : بعدنا باقي وايد
حط راسه ع جتفها و هي استحت بس سكتت - عايبنها الوضع-
المهم وصلو عربنا و جي🙊 توهم واصلين الحجره
عليا : تعباننننه ابا ارقد - طاحت ع الشبريه - افف
فهد : اعتدلي الحين بيبون الشنط
عليا يلست حطو الشنط و طلعو ردت انسدحت - بعدها بالعباه -
فهد: علايه
عليا رقدت😂
فهد ظحك عليها و تقرب منها يبا يفتح عباتها عسب ترقد عدل
عليا مدوخه: مممممم
فهد : حبيبي
عليا مب حاسه بعمرها
فتح عباتها و شيتلها و بطل نعالها و شلها - عليا حظنته - و فهد حطها ع الشبريه و لحفها و سار انسدح عدالها و يلس يلعب ب شعرها

فزت عليا من صوت المطر : فهد
فهد ف سابع نومه
عليا متروعه: فهد قووم -جافته ماتحرك بعده -
ماشي أمل ينش سارت عليا عند الدريشه تشوف المطر و البرق تروعت و سارت تربع ع الشبريه شافته مب حاس بعمره انخشت ف حظنه و رقدت تقول ف خاطرها - بقوم قبله عسب اذا شافني ف حظنه مايتفلسف😌-

الصبح ☁️
تلعوز فهد من شعر عليا و فتح عينه شافها فحظنه : هههههه فديتج انا 😻
عليا حطت راسها ع صدره و كملت رقاد و فهد عايبه الوضع ماقال شي
.... نشت عليا شافت عمرها ع صدره سكرت عينها بسرعه اونها مانشت فهد حس
فهد : علايه نشيتي
عليا اونها راقده : اممم
فهد : يالله قومي من الصبح اترياج
عليا نشت تشوفه : اونه
فهد : هههههههههههه اونج راقده ها
عليا نزلت راسها خفت تخوزني من حظنك
فهد يطالعها و يبتسم
عليا : بس تراني ييت عسب امس كان مطر و برق تروعت عسب جي
فهد نش بيسير الحمام
عليا : يعني انته زعلت ؟
فهد : لا
عليا شوي و بتصيح : انزين خلاص اخر مره
فهد عصب : شو فيج ماقلت شي انا
عليا حطت ايدها ع عينها و صاحت
قرب منها فهد و حظنها : خلاص حبيبي والله اسف
عليا دزته بس هو رص عليها : قووم عني
فهد : والله
عليا : هي قوم
بعد عنها و دش الحمام عليا تترياه
تدق باب الحمام : يالله شتسوي هالكثر
ماسمعت صوته
عليا : فهدد
فهد بطل الباب و سوالها طاف عليا دشت الحمام
فهد لبس بنطلون بني و قميص ابيض و جاكيت و تعطر و طلع برع يتمشى شاف محل ورد سار و خذ باقه حمرا و ود الحجره توه بيفتح الباب يت ف باله فكره نزل تحت و قالهم ايبون الورد ويا الريوق و رد الحجره دش الصاله و يلس يترياها : عليا
عليا تحط المسكرا بصوت خفيف : قلب عليا - علت صوتها : هاا
فهد : تراني طلبت ريوق
عليا : زين اصلن يوعانه
فهد : انتي شو كله يوعانه !
عليا : قول ما شاء الله عن تحسدني
فهد : ههههههه
عليا تقربت منه : هي صح انته وين كنت
فهد : سرت اتمشى الجو حلو برع
عليا : و ليش ماقلتلي
فهد ببرود : كيفي
عليا قامت عنه و سارت عند الدريشه تشوف الجو : شكله بيطيح مطر
فهد شافها و صد
عليا : اف انته ليش جي بارد و كله تسوي طاف
فهد : شسوي سوالفج سخيفه
عليا حز ف خاطرها نزلت راسها و سارت الحجره
فهد سمع الجرس سار يفتح الباب و يابو الريوق شل الباقه و سار عند عليا
عليا واقفه تشوف الدريشه
فهد يا من ورآها و حظنها و حط الورده جدامها : شوفيج والله اسولف
عليا عينها تدمع: جي يسولفون
فهد : انزين اسف والله
عليا خذت الورد من ايده
فهد : يالله نسير نتريق تراج تقولين يوعانه
عليا : مابا
فهد مسك ايدها و مشاها غصب و يلسها ع ريله و هي تبا تقوم بس ماخلاها يلس يأكلها و هي مستحيه
عليا : يالله دوري
فهد : مابا والله شبعت
عليا : بس وحده يالله - كلها فهد -
عليا كانت بتقوم
فهد : ع وين ؟
عليا : بسني بقوم
فهد : ماشي
يلس يلعب بصبوعها و هي تشوفه
فهد : وين تبين تطلعين اليوم؟
عليا : مادري كيفك
فهد : بنتمشى بس
عليا : عراحتك
فهد مسك ايدها و طلعو يتمشون
فهد : قالولج انه بنتم ف امريكا هالسنه و فالعيد و جي بنرد عندهم
عليا : هي .. - خطفو ع محل فساتين حق اليهال - عليا وقفت شوي تشوفه و مشت -
فهد رص ع ايدها و ردتله الحركه
عليا : ابا اسكريم
فهد : ف هالبرد !!
عليا : فخاطري
فهد خذلها اسكريم و خذ نفسها و كملو مشي
وقفت عليا
فهد : شو فيج
عليا : نرد
فهد : ليش
عليا : فهد نرد دخيلك
فهد : بنرد بس ليش
عليا مشت جدامه و هو لحقها و وقف جدامها : عليا شو فيج ؟
عليا تصيح
فهد حظنها : علايه
عليا : ممممم
فهد : شو فيج حبيبي
عليا تشوفه : اتغلى 😳😂
فهد : حيوانه روعتيني
عليا مسكت ايده : شرايك نربع 😂😳
فهد : هههههه مينونه انتي
عليا بوزت : افف خلاص مابا ... عليا تشوف بنت واقفه و وياها ريلها - تذكرة فهد يوم قالها فالمطار انه الي يترياها وياها واحد -
عليا شافت فهد بنظره : نرد
فهد : شوفيج بعد تتغلين !
عليا اشرت عالحرمه : هاي مب ربيعتك !
فهد : هههههههههههههههههه حلفي انتي بس
عليا بدت تنزل دموعها : انا برد - مشت عنه -
فهد يلحقها : و بعدين وياج شو بيقولون الناس الحين .. هاي كل دقيقه تمشي و تخلي ريلها يلحقها مب عيب
عليا سوت طاف و كملت مشي مسكها فهد : يوم ارمسج طالعيني
شافته عليا : ها
فهد : فديت هالويه
عليا عطته نظره : انزين شو تبا ؟
فهد مبهت ف ويها : اباج
عليا استحت : فههد
فهد : عيون فهد 😻
عليا نزلت راسها
فهد : انشالله دوم هالمستحى 😭❤️
عليا : فهد
فهد : قلبه
عليا : يعني هاي مب ربيعتك ؟
فهد : ههههه انتي بعدج !
عليا : ربيعتك ولا
فهد : حبيبي الي كنت اخبرج عنها انتي الي ويا واحد و هاك اليوم كنت ارمس شما اختي 😂
عليا : احلف
فهد : والله
عليا : يعني ماشي غيري مني مناك😞؟
فهد : هههههههههه والله ماشي
مسك ايدها و يلسو يتمشون
فهد صد يطالعها : عليا تحبيني
عليا استوت حمرا : مادري انته تحس اني احبك؟
فهد : انتي قولي تحبيني ولا
عليا : مادري
فهد : هي ولا ؟
عليا : انزين انته تحبني؟
فهد ابتسم و صد عنها
فهد رص ع ايدها و هي ردت له الحركه
عليا : يعني لا
فهد : مب لا
عليا : هي !
فهد : هههههههههههههه شو فيج انتي
عليا : كل ماقولك شي تقول شو فيج
فهد : بسكت خلاص
عليا : انزين انا بقولك الصدق بس انته لاتشوفني و انا برمس اوكي ؟
فهد ابتسم : اوكي
عليا : يعني انا احس انك غالي عليه و سكتت
فهد : بس غالي؟
عليا : عقب بتعرف 😳
فهد يطالع فوق : نرد عن ايي المطر
عليا : حلو الجو نتم شوي😭
فهد : لا ماشي نرد
عليا بوزت : اففف اوكي
فهد طالعها و رد كمل مشي
عليا - اففف وايد يسوي طاف هالانسان -
عليا تلحقه : فهد شوف هذاك المحل ندشه بس بشوف
فهد : اوكي بس بسرعه
دوش المحل و عليا سارت صوب الفستان - لونه احمر فيه ورده بيضا كبيره من جدام قصير و من ورا طويل حلو شكله - ردت عند فهد
فهد : عيبج
عليا : هي يجنن
فهد : تبينه؟
عليا : لا برايه
فهد : خذيه حلو
عليا : اخذه و مالبسه!
فهد : ليش ماتلبسينه؟
عليا : ترا مابنتم هني !
فهد : خلاص ع راحتج
طلعو من المحل و عليا تشوفه من برع
فهد : اقولج دقيقه ترييني
عليا طلعت 📷 و يلست تصور - سار فهد ياخذ الفستان و رد
فهد : عليا
عليا صدت تشوفه : لبيه
فهد عطاها الكيس : مابا شي يتم ف خاطرج
عليا حضنته : مشكور 😳
انتبهت انها حضنته كانت بتقوم بس حضنها هو بالقو
عليا : اييه يشوفوننا
فهد : ههههه يالله نروح
مسك ايدها و ردو
فليل 🌙
عليا يالسه فالحجره و فهد سار يطلب العشا عليا فتحت الكيس و يلست تشوف الفستان و سارت تقايسه و بطلت شعرها و حطت جحال و بلشر و روج احمر و لبست الكعب يلست تتصور و اتسوي حركات😂
و عقب ماخلصت توها بتبطل الفستان سمعت صوت الباب كانت بتشرد عن يشوفها بس تخرطفت و طاحت يت بتقوم بس ريلها عورتها يلست تصيح
عليا تصيح : فهد الحق عليه
فهد : شو فيج
وقف يطالعها مبهت 🔥😻
عليا : عقب طالعني الحين ريلي تعورني الحق عليه بموت
فهد : بسم الله عليج - تم يطالعها -
عليا استحت و نست ان ريلها تعورها
فهد اونه بيشبها و عليا تبا تشرد وقفت جان تطيح ف حظنه بس ماتعورت سوت عمرها تصيح عسب مايضحك عليها😂
فهد : ابطل النعال 😻؟
عليا بعدها مستحيه : لا
فهد : عيل تمي فحظني❤️😭
عليا اونها بتقوم جان يمسكها : وين وين
عليا : بسير ابدل
فهد : لاتبدلين جي اوكي بس قومي بنتعشا يوعان
عليا : انزين شلني عيل عن اطيح مره ثانيه 😂
فهد : هههههههه اوكي😻
شلها فهد و هي خشت راسها ف صدره
فهد : ببدل و بيي انتي حطي العشا وجي بس بطلي هالكعب😂
عليا : جب انزين😭😳
فهد ابتسم : فديتج ياخي😓❤️
بدل فهد و رد لقاها حاطه العشا و تترياه : تأخرت
فهد : اونه لا بسرعه !
عليا : انزين يالله
يلس فهد بعيد و عليا تشوفه تبا تقوله تعال عدالي بس مستحيه
فهد : شو فيج
عليا : ماشي بس بيلس عدالك هني مالحق
فهد فهم و ابتسم: ماتلحقين ها
عليا استحت : اذا تميت جي بقوم😳
فهد : خلاص اخر مره
كلو و خلصو
فهد : خذت افلام
عليا : اونه😻💃
فهد ابتسم و سار يشغل الفلم
عليا : اقولك ببدل و بيي
فهد : والله ماتبدلين جي احلى😭❤️
عليا : مظايقني انزين
فهد بوز : افف اوكي بسرعه
عليا لبست قميص ابيض خفيف شوي شفاف هو طويل لين الركبه
عليا تشوف عمرها : استحي أسير جي
فهد من اول مادشت و هو يشوفها بس هي ماحست
عليا : ارفع شعري ولا اممم جي احلى - فتحته-
فهد : هي والله جي احلى
عليا ويها استوا احمر : انته من متى هني !!!!!
فهد : من اول ماسرتي عني
عليا منحرجه منه : ءءء فيني رقاد
فهد : و الفلم؟
عليا : باجر
فهد : عليا شوفيج ترا عادي انتي حرمتي
عليا منزله راسها
فهد : يالله بلا دلع قومي نشوف الفلم
عليا: مابا مابا
قرب منها فهد و هو بيتسم بخبث : ماتبين هاه - تقرب لين وصل عندها
شلها لين الصاله و يلسها
فهد عطاها كيس فيه افلام : اي واحد نشوف؟
عليا تراويه واحد : امم ها اوكي
فهد : اوكي
انسدحت عليا و يا عدالها فهد و هي مستحيه كانت بتقوم: ع وين؟
قربها لحضنه و حط راسها ع صدره و يلسو يشوفون الفلم ف نص الفلم عليا رقدت و ع اخر الفلم فهد رقد بعد

الصبح☀️
نش فهد و وعاها عسب تصلي و جي عقب ماخلصو سارو يتريقون
سارت عليا بتحطلها ريوق شافت بنت ف نفس عمرها تقريبا
عليا : انتي من وين
البنت صدت لها : تكلميني؟
عليا ابتسمت: هي
البنت: من بوظبي و انتي؟
عليا : نفسج 😻😭
البنت : اخيراً لقيت حد
عليا : انزين شسمج؟
البنت : لميا
عليا : حلو اسمج😳
لميا : عيونج الحلوه و انتي شسمج؟
عليا : عليا
لميا صدت صوب فهد و ردت : ترا بعض الناس يتريونج
عليا : ههههههه بسير له الحين المهم تشرفنا و نشوفج عقب - غمزتلها -
لميا : و انا اكثر❤️
سارت عليا عند فهد
عليا : لقيت بنت كبري
فهد : مبروك😞
عليا سكتت و تمت تاكل
فهد : نطلع اليوم ولا ؟
عليا : هي ابا العب
فهد ابتسم : ياهللل👊
عليا بوزت : افف مابا خلاص
فهد : بوديج بس لا تمدين هالبوز😭
عليا فرحانه : يسسس 💃
فهد : هههههههههههههه حمدالله و الشكر
طلعو يتمشون برع عليا شافت لميا و وياها واحد سوت لها باي 😂
فهد : هاي ربيعتج ف كل مكان تطلع
عليا : ههههههه حرام عليك
فهد ابتسم و صد لها : عليا احبج ترا
عليا رصت ع ايده و صدت الصوب الثاني
فهد : قوليها عاد
عليا صدت له تستهبل : شو اقول
فهد : ترا والله بشلج و بربعبج😂
عليا : ي ويلك
فهد : عيل يالله قولي
عليا سكتت و صدت الصوب الثاني تظحك عليه
فهد شلها و يلس يربع
عليا تصارخ : نززززللننيي بطيييحح😭
فهد : قوليها و بنزلج
عليا تصارخ : احححببك
فهد وقف مكانه و عليا نزلت
عليا معصبه : حمار
فهد قرب عند اذنها و بصوت خفيف قال : يموت فيج الحمار
عليا ويها استوا 🍅
مسك ايدها و يلسو يتمشون
عند لميا و نهيان ريلها
لميا تحبه بس هو لا
لميا : نهيان
نهيان : خير
لميا : انزين انا شو يخصني اذا ابوك ماخلاك تاخذها😔
نهيان : كله منج انتي كل يوم ف بيتنا و امي حبتج عسب جي
لميا حز ف خاطرها
نهيان : من نرد بطلقج ولا احسن بخليج عندي و باخذها
لميا منصدمه : لهدرجه !!!!!
نهيان : اففف لاتسوين روحج المسكينه البريئه
لميا بضيق : بس عاد من الصبح ساكتتلك زودها تراك
و خلته روحه و مشت
نهيان : من صدقها هاي خلتني روحي والله براويج ي لميوه✋
لميا تمشي بسرعه و دموعها ماوقفن لين وصلت الحجره
دشت و سكرت الباب و يلست تصيح لين رقدت عند الباب

و عليا و فهد
عليا : فهد نرد ثلجت
فهد : يالله انتي من نطلع شوي استوا فيج شي
عليا انحرجت : خلاص يالله وين تبا نسير
فهد يظحك عليها : اونه يعني 😂
عليا صدت الصوب الثاني عنه
فهد : يالله انزين نرد
ردو الحجره
عليا اول مادشت انسدحت : تعببااننهه😩
فهد : اقولج ترا بنتم هني يمكن شهر ولا اقل عقب بنسير بيتنا
عليا : اي بيت؟
فهد : بيت أبويه الي هني
عليا : اونه عندكم بيت هني
فهد : هي باجر بوديج هناك
عليا : ليش مب اليوم ؟
فهد : هو بعيد لازم نسيرله الصبح
عليا : بعييد ! عيل نتم هني
فهد : كيفج والله تبين هني هني خلاص ولا يهمج - فهد يا انسدح عدالها
عليا استحت بس اونه عادي عندها
المغرب 🌘
عند لميا و نهيان
طبعا لميا للحين راقده و نهيان يدق الباب
نهيان متروع عليها بس مايبا يبين ايده عورته اخر شي سار ياخذ مفتاح ثاني للباب
نهيان : افف ليش مايفتح
نشت لميا لانه انزعجت من الصوت - انصدمت انها لين الحين هني و بطلت الباب-
نهيان معصب : من الصبح ادق ليش ماتفتحين؟
لميا ماسوتله سالفه و سارت
نهيان عصب مسكها من ايدها و لفها صوبه : يوم ارمسج لاتصدين فاهمه ولا
لميا نزلت راسها : فاهمه
كسرت خاطره و ماعرف شو يسوي
لميا و الدمعه ف عينها : عادي اسير؟
نهيان : سيري



روايات طويله منتدى فزاع


لميا سارت الحمام و هو مسك فونه و يلس يرمس حبيبته
طلعت لميا مالقته لبست بجامه و جاكيت طويل و سارت تسويلها نسكافيه و يلست عند البلكونة
لميا ف خاطرها - ليش جي يعاملني انا الي قلتله ياخذني انزين انا شو سويت له و تصيح بصوت عالي و تتنافض من البرد- ردت داخل شغلت التلفزيون و سكرت الليت و انسدحت





روايات طويله منتدى فزاع

التوقيع

توقيع
رد مع اقتباس


إضافة رد

أدوات الموضوع


جديد مواضيع استراحة بورصات


02:38 PM