أى واحد بيتاجر فى الفوركس مبتدىء أو محترف يقرأ الموضوع دا

بسم الله الرحمن الرحيم
أولا : يعلم الله أنى بكتب الموضوع دا لأنى بشفق على ناس كتير من متداولى الفوركس وخااااااااااااصة المبتدئين .. من سنة ونص تقريبا كنت متداول مبتدىء .. مبتدىء لدرجة تضحك .. مبتدىء لدرجة أنى بعد يومين فقط من (اللعب) على حساب تجريبى فتحت حساب حقيقى ولما الصفقة ربحت على الشارت ماعرفتش أقفلها منين لأن نافذة عرض الصفقات أسفل الميتاتريدر اختفت وماعرفتش أى أيقونة فى المنصة بتجيبها وعملت زى فيلم بطل من ورق (مابيعرفش يوجفها .. مابيعرفش يوجفها) هههههههههههههههههههههههههههههههه
المهم :
خسرت مرة وكمان مرة وفى تالت مرة اشتغلت سكالبنج وفى الحقيقة برده كنت بهزر .. ليه بقى ؟
كان رصيدى ألف دولار وأعمل الصفقة بـ0.1 لوت وافضل احرق فى اعصابى لدرجة كبيرة لحد ما الصفقة تكسب نقطة اتنين تلاتة واقوم قافلها وبعدها أتنفس الصعداء وآخد نفسى وأرجع تانى إنسان طبيعى ههههههههههههههههههه نفعت معاية الطريقة شهرين تلاتة وبعدها خسرت جزء كبير من الألف دولار بسبب انعكاس مفاجىء .. وبعدها كأى مبتدىء بيتاجر بعقلية (المقامر) قلت لاااااااااااااااااااااااااازم أعوض وفعلا بدل ما كنت باخد دولار فى صفقة الـ0.1 بدأت آخد 10 دولار من صفقات 1 لوت كامل .. وطبعا حرقة الأعصاب برده كانت مضروبة × 10 زى اللوت بالظبط ............
ومشى الحال وبعد فترة قصيرة اللى حصل مع الـ1لوت نفس اللى حصل مع أخوه الصغيّر (الـ0.1) خسرت جزء كبيييييييييييييييييييييييييير بسبب انعكاس مفاجىء .. وبعدها بقى اللى اتبقى من الألف دولار كان بالظبط زى اللى بيتبقى من السندوتش لما يقع فى أيد واحد جعان هههههههههه
.............
المهم : قلت لنفسى أنا كدا يا بلعب يا بقامر أو أى شىء غير كلمة بتاجر .
كل الكلام اللى فات دا بدأ وانتهى فى شهورشهور بسيطة وبعدها أخذت قرار لا رجعة فيه :
((((((( عشان أبقى متداول ناجح لازم أتعلم )))))))))))
وكان عندى مقدرة مالية أنى أفتح حسابات حقيقية تانى واخسر تانى وكانت وجهة نظرى ان الضغط النفسى أثناء العمل على حساب حقيقى وحرصى على مالى كفيل انه يعلمنى فى شهر اللى ممكن اتعلمه وانا مش مضغوط وبعمل على الحسابات التجريبية فى سنة .. وهى معلومة صحيحة فى نظرى .. زى بالبظط اللى ممكن تذاكره فى اليومين اللى قبل الإمتحان ممكن يبقى أد اللى هتذاكره فى الأيام العادية عشر مرات بسبب زيادة الحرص لدرجة غير عادية .. بس بصراحة ماكنش عندى الرفاهية اللى تخلينى أضيع فلوسى فقط لزيادة تركيزى .
سبت التداول(الحقيقى) وودعته وقلت لو هقعد 10 سنين أذاكر فى الفوركس ولكن لن أتاجر بحساب حقيقى إلا بعد التعلم زى أى واحد بياخد بكالوريوس أو ليسانس يؤهله لعمل معين .
...............
وفضلت يا حضرات سنة كاملة أو يزيد بقرأ وببص للشارتات كأنى بفك طلسم .. واقعد قدام اللاب ايام متواصلة (بلا مبالغة) أفكر وأرسم واخطط .. وأقول لزوجتى : نفسى .. أمنية حياتى .. ألاقى طريقة أحصل بها على ولو 10 نقاط بس يبقوا ثابتين كل يوم وتبقى نعمة ربنا يحفظها من الزوال .
.........
المهم :
لمدة سنة .. أكثر من 15 ساعة يوميا على اللاب والشارتات ودراسة استراتيجيات و و و و و و و لحد ما بدأت أتداول .. وعلى حسابات تجريبة مش حقيقية .. لـ3 أسباب:
أولا: قلت إذا كان من غير النضوج أن أبدأ بحسابات حقيقية وانا مش عارف الصفقة بتتقفل منين ههههه فالنضوج كله ان اعمل على حساب تجريبى بعد تعلم سنة .
ثانيا : عرفت فى هذة الفترة أنى ممكن أبيع إشاراتى والعمولة اللى ممكن احصل عليها ممكن تبقى اكتر بكتير من الربح العادى .
ثالثا وهو الأهم : أنى حاليا عندى إلتزامات مادية كبيرة ومش هقدر أفتح حساب ولو حتى بـ2 دولار مش ألف دولار ( أظن السبب الأخير دى هو اللى مقنع بدل اللف والدوران ههههههههههههههههههه)
............
المهم يا جماعة .. بدأت التداول كمزود إشارة على زولو .. اللــــــــــــــــــــــــــــــــــــــــــــــه م لك الحمد والشكر على سجل تداولاتى .. وأتذكر كلمتى الدائمة لزوجتى أنى عايز بس 10 نقاط يوميا وأقارن بين هذا وبين ما انا فيه الآن فأحمد ربى وأشكره على ما صرت إليه .. وما دفعنى لكتابة هذة السطور هو إشفاقى على كل مبتدىء حالته مثل حالتى النفسية عندما بدأت تداول وكان المؤشر فى صعوده وهبوطه بيفعل بأعصابى الأفاعيل .. المهم يا جماعة .. حسابى على زولو متاح للعامة (الصفقات الفعلية من سجل التداول فى المنصة إلى زولو ليراه أى إنسان وكأن معه الـinvestor password) .. أنا حاولت بالأمس أنقل لكم توصياتى .. فى موضوع اسمه (شراءGBPJPY) نقلت توصيات ربحت حوالى 700 نقطة بتراجعات لا تُذكر .. ولكن كما قلت مسبقا لو كتبت شىء بنسى اكتب عشرة .. ولذلك قلت الحل الأمثل .. لو حد مهتم يتابع (مش شرط يعمل تتبع) يتابع = يراقب حسابى على زولو وفى الحالة دى هيشوف الصفقات اللى انا فتحتها ويعمل زيها .. وربنا يرزقنى و يرزقكم .
كل اللى أنا محتاجه منكم .. كل واحد يربح نقطة من متابعته لحسابى يدعى لى دعوة أنا ووالداى والمسلمين إلا من سفك دما بريئا بغير حق أن يرزقنا الله خيرى الدنيا والآخرة وأن يجنبنا شرى الدنيا والآخرة
.
إسمى كمزود إشارة على زولو هو
DoctorForexDriver

و رابط حسابى أهو لو الإدارة سمحت به
https://ar.**************/trader/314835

ماتنسوش تانى :
كل اللى أنا محتاجه منكم .. كل واحد يربح نقطة من متابعته لحسابى يدعى لى دعوة أنا ووالداى والمسلمين إلا من سفك دما بريئا بغير حق أن يرزقنا الله خيرى الدنيا والآخرة وأن يجنبنا شرى الدنيا والآخرة .

التوقيع

تريد رزقاً ومالاً كثيرا من الفوركس أو من غير الفوركس ؟
1- تقوى الله : ومن يتقِ اللهَ يجعل لهُ مخرجاً ويرزقه من حيث لا يحتسب .
2-الإستغفار : فقلتُ استغفروا ربكم إنه كان غفارا .. يرسل السماء عليكم مدرارا .. ويمددكم بأموالٍ وبنين ويجعل لكم جناتٍ ويجعل لكم أنهارا .

السلام عليكم ورحمة اللة وبركاتة
(عرفت فى هذة الفترة أنى ممكن أبيع إشاراتى )
هل ممكن انى ايضا افعل دة مثلك

طبعا أخى الكريم .. فيه موضوع لى لسه جديد ادخل على بروفايلى هتلاقيه .. اسمه للتثبيت كيف تجنى الاف الدولارات من زولو
شارح فيه بالتفصيل أزاى ممكن تبيع اشاراتك فى زولو وماهو زولو وكل شىء

التوقيع

تريد رزقاً ومالاً كثيرا من الفوركس أو من غير الفوركس ؟
1- تقوى الله : ومن يتقِ اللهَ يجعل لهُ مخرجاً ويرزقه من حيث لا يحتسب .
2-الإستغفار : فقلتُ استغفروا ربكم إنه كان غفارا .. يرسل السماء عليكم مدرارا .. ويمددكم بأموالٍ وبنين ويجعل لكم جناتٍ ويجعل لكم أنهارا .

ما أحتاج أربح منك نقطة حتى أدعي لك يكفي وضع موضوع قيم ومفيد مثل هذا

الله يجزاك كل خير ويغفر لك ولوالديك ولجميع المسلمين

الله يكرمك ألف شكر

التوقيع

تريد رزقاً ومالاً كثيرا من الفوركس أو من غير الفوركس ؟
1- تقوى الله : ومن يتقِ اللهَ يجعل لهُ مخرجاً ويرزقه من حيث لا يحتسب .
2-الإستغفار : فقلتُ استغفروا ربكم إنه كان غفارا .. يرسل السماء عليكم مدرارا .. ويمددكم بأموالٍ وبنين ويجعل لكم جناتٍ ويجعل لكم أنهارا .

السلام عليكم اخى الكريم
تم قراءة الموضوع كله
اعتقد الكثير من الاعضاء نفس الشئ
حدث لهم ذلك
منهم من لم يستطع الاستمرار فى المجال
ومنهم من يحاول الاستمرار
الشكر والتقدير لك