رد: امجدونا للتوصيات السوبر ملكية
كيف تكون صياد محترف
الان ياشباب لو اخذنا مثال بسيط عن احمد ومحمد في طريقة صيد السمك احمد على سبيل المثال يستخدم السنارة في الصيد ومحمد يستخدم الشبكة ايش تتوقعو حصيلة كل واحد فيهم اخر اليوم اوكي انا راح اجاوبكم احمد راح يرمي السنارة ويقعد ساعة اقل اكثر وبعدين راح يصيد سمكة واحدة وفي اخر اليوم ممكن مايصيد ولا سمكة وممكن يصيد سمكات معدودة ومحمد يرمي الشبكة في البحر ويصيد خلينا نقول من 50 الى 100 سمكة في الرمية الواحدة واخر اليوم راح يكون عنده عدد ممتاز جدا من السمكات وهذا شي انا وانتو مانختلف عليه ابدا طيب احنا كيف نستفيد من هذا الكلام في شغلنا احنا عندنا 27 عملة لو كل واحد حط اللوت بالكامل في صفقة واحدة معناه وحدة من اثنين يااما الصفقة تمشي معاه ويكسب منها او تعكس عليه ويقفل على خسارة سواء خسارة بسيطة او كبيرة وهذا معناه اننا سلمنا نفسنا لعملة وحدة تلعب فينا زي ماتبغى سواء بربح او خسارة لكن لمن يكون عندنا 27 عملة ونستغل كل فرصة متاحة امامنا بشكل يومي على كل العملات معناه اقل شي راح يتكون عندنا من 10 الى 27 فرصة يوميا على كل العملات معناه هنا المكاسب راح تكون اكثر وفي نفس الوقت حتى لو خسرنا في صفقة صفقتين ثلاث عادي جدا جدا جدا اننا نقفل على خسارة بسيطة وتكون الصفقات الربحانة اكثر بعشرات اضعاف الصفقات الخسرانة يعني المحصلة النهائية كلها ارباح في ارباح وهذي السياسية سبق اني فهمتكم هيا وشرحتها لكم اننا مانحط البيض في سلة واحدة ولازم تكون سياستنا سياسة الدول العظمى اللي عندها سلة عملات وهذا هو الصح طيب خلوني اعطيكم مثال اخر بالبلدي او بالشعبي زي مايقولو زمان زي منتو عارفين ماكانت الدنيا فيها بنوك طيب فين كانو اجدادنا واجداد اجدادنا يحطو الفلوس اكيد طبعا سمعتو عن هذي القصص وكنتو تضحكو زي ماكنت انا اضحك كمان كانو يمسكو الفلوس ويقسموها 5 اقسام مثلا او اكثر ويحطو كل قسم منها في مكان معين في البيت ليش ايش هو السبب في كذا عشان لو دخل البيت حرامي وشاف الفلوس يسير يكون سرق جزء معين من الفلوس وليس كل الفلوس الموجودة في البيت والسرقة هنا طبعا تعتبر خسارة من الفلوس الموجودة في البيت ولكن ليست خسارة كاملة لأن الفلوس مازال موجود 80 او 90 في المية منها في البيت ونفس الكلام هذا ينطبق علينا احنا ندخل في صفقات ونخسر ربما نخسر 5 او 10 في المية من راس المال او الأرباح لكن في النهاية المحصلة الإجمالية هيا ارباح في ارباح اذن السر مهو في التوليفة الرهيبة والرائعة ولكن السر في ال 8 النصايح الموجودة في توقيع مؤيد مافي استراتيجية في العالم في هذا السوق الغدار تعطيكم ارباح مية في المية لكن امجدونا بفضل من الله استطاع يعطيكم استراتيجية ارباحها من 80 الى 100 في المية وهذا بحد ذاته يعتبر انجاز ان لم يكن اعجاز كمان مادام في الأخير راح نقفل الصفقات على ربح ممتاز ومرضي