عاوز تكسب دايما نظرة من فضلك

شكرا لمرورك اخى نزار شوف يا غالى بخصوص سهمى الصعيد واى سى ؟؟
لا احب ولا احبذ التعامل مع تلك النوعية اللى عدد اسهمها فاق الخيال هاتلى ميكرز فى العالم يستطيع عمل قفزات جامدة لتلك الاسهم واللى بتنفذ فى اليوم من 5 الى 10 مليون سهم بالجلسة؟
استحملنى فى تعبيرى والله الاسهم دى عاوزة 10 ميكرات كى يصعدو بتلك الاسهم بنسبة 10% بالكتير لان اكتر من كدة فى جلسة شىء من الوهم واللى يعيش الوهم فى البورصة لن يجنى شيئا منها مهما عمل؟
فنصيحة ممكن تاخذ بها وممكن ترميها وكانك لم تقرائها؟
لو الاسهم دى معاك حاول تخرج منها ولو مكيت او بنسبة ربح قليلة؟ وصدقنى سوقنا ملىء باسهم افضل وممكن تعملك مكاسب محترمة جدا وفى وقت بسيط؟
دون ان تظل فى تلك الاسهم اسير لميكراتهم اللى يوم ما بيعمل حتى ال10%؟ بيكونو على الشاشة 10 قروش لاغير؟ طب دة معقول حتى ولو معك 50 الف سهم مثلا برضو حرام تركن نفسك شهر مثلا من اجل قروش ضئيلة؟ بينما لو اخذت بالنصيحة ودخلت اسهم محترمة واسعار تداولها معقولة ولكن لما تعمل 10% يكون جنيهات وليس قروش زهيدة؟
دى وجهة نظرى المتواضعة ولك القرار الاخير؟
اما بخصوص المصريين فى الخارج فقد كان اخر توصياتى وقولت ان السهم علية مضاربة قوية جدا من جلسة الخميس وهنشوف اليوم هل سيتم التداول علية فوق ال8 جنية فلات؟ وكمان اغلاق اليوم سيكون فوق ال8 فلات بكام؟؟
عموما السهم مضاربة ومنتظريين منة خير كبير بعون الله فصبرا جميلا وقليلا؟
وتحت امرك اخى الحبيب نزار
اخوك حسام

التوقيع

يارب الكون ارزقنا جميعا من حيث لا نحتسب اللهم امين

اهلا وسهلا اختى ندا ؟ وكمان مرحبا بكل وجهات النظر طالما دون تجريح وخروج عن الاحترام فى الحوار؟
اعتقد ليا حق الرد
اولا حضرتك اللى بتقرائى مشاركاتى دون تركيز تام؟
لانى لما قولت مبداء ال 5% ؟
قبل ما احددة وراجعى الباب كويس ومشاركاتى؟
قولت لابد ان يضع كل شخص فينا مستهدف سعرى يبيع علية حال تحقيقة سواء صعودا ومكسب وحال تحقيقة سواء هبوطا وخسارة لا قدر الله؟
يعنى من الاخر مفرضتش ال 5% على حد؟ بقدر ما كانت وجهة نظر واللى معتقدش ان فى اتنين فاهمين بورصة كويس يختلفو على المبداء دة
(( وضع مستهدف سواء بقى كان 5 او 10% ؟؟ للبيع علية سواء مكسب او للبيع علية ايضا لعمل ستوب لوس؟؟ وضحت كدة ))
ثانيا حضرتك ذكرتى انى غير منتبة لاسهمى؟
طب ازاى؟ وكمان مستقلة ب5%؟ مكسب من سهم فى جلستين؟؟؟؟؟ دة كلام؟؟
امال الناس اللى بتتنشق على اى مكسب ولو 2%؟ تقول اية؟
من كتر ما خسرت ميت مرة؟
ارجو الكلام يكون بة شىء من المنطقية شوية اختى ندا؟
وكيف لا انتبة لاسهم انا موصى بها؟؟؟؟ والا لماذا فتحت الباب ووصيت بيها؟؟
اخيرا حضرتك شايفة انى مضارب خطر على اى (( مستثمر غير متابع؟؟؟
وهل يجوز ان يكون احد يستثمر فلوسة بالبورصة بالذات ويكون غير متابع؟ اعتقد عدم متابعة جلسة واحدة لاى مستثمر متابع قد تكلفة الكثير والكثير؟؟ ))
اخيرا عموما كل واحد ولة تفكيرة ووجهة نظرة المختلفة؟
ولا املك عصى كى اجبر حد على ان يغير فكرة؟ او ان يشترى اسهم توصياتى؟
وان كنت افضل النقاش يكون حول سير السوق؟ او الاسهم اللى رشحناها او اللى هنرشحها اليوم؟
واذكر بان كثير من الاسهم اللى برشحها تعمل بنظام السيم داى؟ او التى بلص زيرووو؟ ولما تعمل فى جلسة 5%؟ فدة قمة النجاح اختى المحترمة ندا صادق؟
بتمنى تراجعى تانى كلامى يمكن تغيرى فكرك من جديد؟
والا الثبات على كلامك المذكور ودى حريتك الشخصية؟
ولكى خالص الاحترام والتقدير؟
اخوكى حسام

التوقيع

يارب الكون ارزقنا جميعا من حيث لا نحتسب اللهم امين

وعدت الادارة الحكيمة ووعدت حضراتكم بتوصيات قوية بمعنى الكلمة اعتبارا من جلسة اليوم كما ذكرت فى المشاركة السابقة؟
ودائما احب لما اوعد اوفى ويبقى التوفيق من عند الله وحدة لا شريك لة؟؟
والى حضراتكم الاسهم المرشحة للشراء بها جلسة اليوم الاحد 12/12/2010 بامر الله وهى

1/ الالومنيوم العربية
(( مضاربة عالية؟ واستثمار قصير الاجل ))

2/ سهم المصريين فى الخارج لتانى جلسة على التوالى
(( مضاربة قوية جدا جدا على السهم ))

اتمنى من الله ان اوفق فيما قدمتة لحضراتكم من توصيات للشراء بها اليوم ويارب يارب يستفيد منها اكبر عدد ممكن من السادة الاعضاء الكرام؟
واخيرا جلسة موفقة وسعيدة علينا جميعا بامر الله؟
وتقبلو خالص احترامى وتقديرى لكم جميعا وبتمنى اكون عند حسن ظن حضراتكم جميعا اللهم امين؟؟
اخوكم حسام

التوقيع

يارب الكون ارزقنا جميعا من حيث لا نحتسب اللهم امين

السلام عليكم اخى حسام لقد اخذت سهم المصريين فى الخارج على 14و8 ونزل السهم اخر الجلسة فهل توصية الشراء مازالت قاثمة ام ان السهم غير اتجاهة وشكرا لحضرتك

شكرا لمشاركتك اختنا شذا؟ ونوضح
انا مبحددش سعر الشراء اطلاقا ومن اول مشاركة قولت سعر الشراء متروك لحضراتكم؟
ودة لما ممرت بة فى الماضى من هجوم وانتقاد لا حصر لة ولا عدد نتيجة تحديدى لسعر شراء؟
وقولت اللى ميتعلمش من الماضى بحلوة ومرة؟.
عموما عشان بس مطولش ؟
بالله عليكم يا جماعة الخير يكون فى تركيز شوية بس فى المشاركات؟ لانى لما وصيت تانى بالخارج امس قولت هنشوف ال8 فلات؟ ومدى التنفيذ فوقها وكان الهاى 8 و20 قرش يعنى اختى شذا حضرتك تقريبا اشتريتى اول نص ساعة او اول ساعة من الجلسة؟
هنا اتوقف قلت سابقا احسن وقت للبيع هو تلك الفترة من الجلسة نص ساعة او اول ساعة؟ وليس الشراء وراجعو مشاركاتى؟
بينما فى حال الشراء لازم نصبر ونشوف اول ساعة لان بعتقد بعدها تكون الامور وضحت لسير الجلسة والوقت المتبقى وعموما نصيحة عامة لكى وللجميع افضل وقت للشراء هو منتصف الجلسة التانى يعنى من 12 ونص ؟
اخيرا سعرك معقول ولا تخافى مما ذكرتة الان ولكن حتى نتعلم بعد كدة اننا نلقط السهم فى تهديتة وليس وهو طاير؟
وبخصوص التوصية انا قايل تحت التوصية على السهم؟
(( مضاربة قوية جدا على السهم)) ؟؟
وبما انك اشتريتى امس اذن تسويتك الثلاثاء بامر الله؟
فلا تقلقى لان فرق كبير بين سهم مضاربة؟؟ وسهم استثمارى؟؟
دون الدخول فى شرح ذكرتة مسبقا فى الفرق بين النوعين؟
ميكرز اسهم المضاربة بيكون لية تارجت هيوصلة هيوصلة بغض النظر عن سير السوق ولون مؤشرة؟ الا فيما ندر جدا وكمان تكون هناك احداث طارئة عالمية دى الحالة الوحيدة؟ اللى تخلى السهم ميعملش مستهدفة وكمان لفترة بسيطة جدا؟
اطمئنى اختى المحترمة فمعكى سهم بة ميكرز قوى وسيولة محترمة جدا قادرين على الصعود بالسهم بامر الله ؟
وبذكر تانى باهمية تطبيق مبداء ال 5% ؟
(( او لازم نحدد سعر يرضينا حال صعود السهم ونبيع علية لان مفيش سهم صاعد للابد او هابط للابد؟ والمبداء دة مهم جدا لكل من يتعامل مع البورصة من صار علية نجى وسلم من خسائر فادحة؟ حال لا قدر الله هبوط السهم والسوق ومنكنش حاطين لنفسنا برضو سعر لعمل ستوب لوس فورا ووقف الخسارة؟ ودة اللى خلانى اختار مبداءال 5% انا شخصيا ماشى علية بقالى سنتين ولله الحمد افادنى كتير من خسائر
كتير؟ وبكرر تانى خسارة 5% ارحم بكتير من ال10%وما فوقها واللى بها نحبس فى تلك الاسهم الى ماشاء الله ))
بتمنى تكونى اطمنى ولو قليلا بس رجائا بتنفيذ ما قولتة علشان بس منندمش وقت لا ينفع فية ندم؟؟؟
اخوكى حسام

التوقيع

يارب الكون ارزقنا جميعا من حيث لا نحتسب اللهم امين

والا الى حضراتكم الاسهم المرشحة للشراء بها جلسة اليوم الاثنين 13/12/2010 بامر الله وهى

1/ سهم القاهرة للخدمات التعليمية
(( مضاربة واستثمار قصير الاجل ))

2/ سهم الانتاج الاعلامى
(( مضاربة قوية جدا جدا على السهم ))

واخيرا جلسة موفقة وسعيدة عليكم جميعا يارب
وتصبحو على الف خير والى الملتقى تقبلو خالص احترامى وتقديرى للجميع
اخوكم حسام

التوقيع

يارب الكون ارزقنا جميعا من حيث لا نحتسب اللهم امين

سلام عليكم وحمة الله وبركاته
حيااكم الله جميعا وبارك الله فيكم
اول مشاركه ليا حابب احيى فيها اعضاء المنتدى الكرام والمشرفيين والنجم ابو تريكه حلوانى البورصة المصريه اللى متابعه بقالى كزا يوم وعاجبنى فكره جدا ماشاء الله عليه وان كنت مخدتش بولاا توصيه لان شارى اليكو ومعيش سيوله ادخل فى التوصيات اللى قلت عليها عشان لسا مبعتش اليكو اللى جلسته بكرة ان شاء الله وانا جايبه يوم الاربع اللى فات على 1.05 . لو عند حضرتك راى الموضوع ده فى انتظاره ان شاء الله
جزاكم الله خير
واتمنى لو تقبلونى عضو جديد معاكو فى المنتدى وبالاخص فى الباب ده
فى امان الله وربنا يوفقنا لكل مايحب ويرضى

الله يحيك اخى الحبيب هيثم اسماعيل وبشكرك جدا لمشاركتك وكلامك المحترم جدا وطبعا يشرفنى ان تكون عضو وصديق دائم بابى المتواضع ؟
لقد ذكرت فى مشاركات سابقة انى بطلت التعامل مع سوق الخارج من 1/7 الماضى؟
بعد التعديلات العنترية اللى اتخذت بة بجعل الجلسة يومين فقط ولمدة نص ساعة فقط ايضا وتسوية تى بلص 5 اللى كتير اوى يعنى تشترى وتبيع يدوب مرة فى الاسبوع ؟
مع احترامى لكل وجهات النظر؟
بكدة اصبح سوق الخارج غير جاذب لمعظم المستثمرين لما ذكرتة ؟ فنصيحة لك وللجميع اخى كفى تعامل مع هذا السوق؟
وعدم الانبهار بان السهم بة ممكن يعمل 20% فى جلسة واحدة؟
لانة ببساطة غير امن تماما فكما بامكانة الصعود 20% فى نص ساعة؟ ايضا بامكانة الهبوط برضو 20% فى نفس المدة؟
سوق غير منضبط ولا زابط ولا رابط بة؟
وبعدين سوق الداخل ملىء بالاسهم والاكتر احتراما بكتير من اسهم الخارج؟
خلص نفسك من هذا الاليكو او لكح او الكبريت او او ؟؟ الخ؟؟
وخليك معنا بالداخل واللى معروف اكتر عنة كل شىء واكتر انضباطا من بكتير من الخارج؟
وطبعا القرار الاخير لك وما عليا سوى ابداء الراى بما يرضى الله ورسولة لان الكلمة امانة؟
وجرب معنا يا غالى بالتعامل مع اسهمنا بسوق الداخل وانا متاكد انك هتجد الفرق شاسع بين السوقين؟ ولما تشترى اسهم الداخل مرة ورا مرة خصوصا مع تحقق مكاسب جيدة صدقنى لن تفكر ثانيا بالشراء فى اليكو وغيرة من سوق الخارج بامر الله
قولت ما عندى بكل حب وصدق ودى وجهة نظرى لاسهم الخارج وتالت مرة اعيد عنة نفس الكلام؟
بس مش مشكلة لان دة واجبى ودورى تجاة حضراتكم لاحترامى لكل من يشارك ببابى بالرد الفورى على مشاركتة حتى لو السؤال رديت علية مسبقا ؟؟
وياريت تتابع معنا من اليوم اخى الغالى هيثم ؟؟
اخوك فى الله حسام

التوقيع

يارب الكون ارزقنا جميعا من حيث لا نحتسب اللهم امين

نظرة عامة على السوق قبل اى توصية شراء لليوم؟
اكاد اجزم باننا على وشك صعود قوى وبتفنيش العام ومؤشر كاس 30 فوق ال 7250 بنط بامر الله
وطبعا دى استقراء بوجة عام ليس الا وطبعا ممكن ان يتحقق ما قولتة الان وفى اقرب مما نتخيل وايضا ممكن لا يتحقق والله تعالى اعلى واعلم؟ وفوق كل ذى علم عليم؟؟؟
وكمان ارى الفترة دى لاسهم المضاربة الكبيرة واللى عدد اسهمها المتداول عليها قليل جدا وليس لاسهم الافراد والتى تنفذ ملايين الاسهم يوميا؟؟
واذا وجدت اسهم افراد صاعدة ستكون قلة لا تتعدى اصبع اليد الواحدة؟؟ واللى ممكن يحدث بها جيمات على الطاير او على السريع جلستين تلاتة وشكرا ومن هذا المنطلق ساحاول قدر امكانى بعمل متوسطية مميزة من اليوم فى اسهم التوصية وبرجاء بقى التركيز جيدا معى فيما تبقى من جلسات لهذا العام الممل جدا جدا؟
ونتمنى ان يكون عام 2011 افضل بعون الله ؟؟
واليكم اخواتى الغالين جدا على قلبى الاسهم المرشحة بقوة للشراء بها جلسة اليوم الثلاثاء 14/12/2010 بامر الله وهى

1/ سهم مطاحن ومخابز الاسكندرية
(( مضاربة عالية جدا واستثمار امن قصير الاجل بامر الله ))

2/ سهم بة جيم قصير ومتوسط الاجل وسيظل معنا لفترة معينة ليقينى بحدوث جيم ومضاربة قوية جدا علية الفترة القادمة وهو
(( سهم الانتاج الاعلامى ))
وهقول كلمتين كدة على الماشى بانى الاعلامى من اكتر اسهم السوق تعاملا معة ومع ميكرة الصعب والخبيث لابعد مدى ولكنى حفظتة وحفظت اوقات صعودة القوى منذ 4 سنين ولله الحمد وبرشحة لكم للشراء وبكل ثقة وقوة خصوصا لانة لم يتخطى الى الان ال6 جنية فلات؟ فياريت من اراد دخولة معنا ان يلحق بة الان قبل تخطية ال 6 فلات والتى بمثابة نقطة مقاومة فولاذية بتخطيها وبفوليوم عالى سيكون الاعلامى كالقنبلة الموقوتة الى مستهدفات عالية ومحترمة جدا بامر الله؟
(( بجد وبكل الحب واخلاص النية لله بعتبر ترشيحى للاعلامى الان وقادم الجلسات هدية اعياد الكريسماس لكم؟؟ وبكرر الكريسماس؟؟؟؟ والمعنى فى كرش الحوت او الميكرز وهنشوف ادائة واللى كان امس ممتاز وبتمنى تانى ان اللى مقتنع يحاول ان يركب الجيم من اولة وتحت ال6 فلات ووعد بتحقيق تارجت ومكسب محترم جدا لكم جميعا احبائى الغاليين ))

وانهى بتلك الكلمات البسيطة
والله انى احبكم جميعا فى الله
ويعلم علام الغيوب انى لا اريد لكم سوى كل الخير والمكسب الدائم قدر الامكان بفضل الله واخيرا
(( ان الله لا يضيع اجر من احسن عملا ))
(( وان الله مع الصابرين اذا صبرو ))
وجلسة موفقة وسعيدة علينا جميعا بامر الله تعالى
اخوكم المحب والمخلص لكم للابد
حسام الالفى

التوقيع

يارب الكون ارزقنا جميعا من حيث لا نحتسب اللهم امين

اخواتى الكرام اسمحو لى باهداء خاص لتلك التوصيات لزوجتى الغالية ورفيقة حياتى فى عيد ميلادها وكم هى بحق زوجة كرمنى الله بها وياما وقفت بجوارى كما قولت فى مشاركة سابقة لما خسرت محفظتى ماملة من 7 سنين وقامت بفك وديعة بنكية باسمها ووقفت جوارى حتى وصلت بفضل الله وبفضلها الى ما انا فية الان؟
وايضا اهداء لاعز ما املك فى الدنيا
ابنى الاكبر ياسر وعمرة الان 6 سنوات
وبنوتى الغالية اسماء وعمرها 3 سنوات

معلش لو ضايقتكم بتلك الاهداء ولكن معذرة لان دة اقل واجب ممكن عملة مع اول ساعات صباح عيد ميلاد زوجتى؟؟
ويارب يديم عليكم جميعا البهجة والسرور فى شتى مجالات حياتكم

وكما كانت هى وش السعد وستبقى بامر الله كذلك لاخر نفس فى عمرى فاتمنى ان يكون وشها حلو عليكم جميعا وما جزاء الاحسان والاخلاص؟
الا الاحسان والاخلاص ايضا؟؟

واللى ملوش خير فى اهلة ملوش خير فى احد؟؟

اسف لو خرجت عن المالوف؟

وتانى كل تمنياتى بجلسة روعة وبتحقيق قفزات سعرية محترمة لاسهم توصياتنا السابقة بالاضافة لتوصيات اليوم؟
وشكرا لسعة صدركم يا غاليين
اخوكم فى الله حسام

التوقيع

يارب الكون ارزقنا جميعا من حيث لا نحتسب اللهم امين