عاوز تكسب دايما نظرة من فضلك

والان اليكم اسهم التوصية للشراء بها اليوم ولكن احب اوضح نقطة هامة قبل ذكرهم من اجل الناس اللى دايما تتصيد الاخطاء فى الماء العكر كى اقطع عليهم كل الطرق لعدم دخولهم هنا مرة اخرى وحتى لو دخلو لن يجدو اى غلطة بامر الله لانة اعلم بالنيات وبنيتى الخالصة تجاهكم بالخير لكم جميعا وهو اعلم بذلك؟
اولا انا مضارب ولست مستثمر؟
بمعنى انى دايما بتعامل وارشح اسهم مضاربة واحيانا قليلة جدا اللى برشح فيها اسهم استثمارية؟
كتوصيتة بعامر جروب منذ نزولة السوق واللى هبط للان حوالى 15%؟؟ وكلو هاجمنى علية كما تابعتم جميعا؟ وتريقة ومهاترات؟
ردى الان هو
عامر جروب سهم استثمارى وليس مضاربة؟ وطالما التوصية بسهم استثمارى يبقى بنتكلم على المدى المتوسط من اسبوعين لتلاتة؟ وهو لم يكمل اسبوعين للان؟ يا بنتكلم على مدى طويل الاجل من شهر لتلاتة؟
يقوم يجى الاخوة اياهم هجوم على الفاضى والمليان بدون فهم او وعى كما وضحت عاليا؟ والحمد لله اننا خلصنا منهم بفضل الادارة الحكيمة وصبرا جميلا وشوفو سهم عامر جروب كمان اسبوعين؟ بالكتير كم سيكون سعرة؟؟؟؟؟؟؟؟ العلم عند الله ولكنى ارى ان ال5 فلات اقل شىء ممكن يعملة عامر جروب بامر الله وبعدين خلاص عرفنا انة مدعم نفسة كويس جدا عند 2 جنية و70 قرش ولكن نقطة الارتداد لاعلى هى ال 3 فلات؟ وهيجيبها قريبا ودة كلام برضو على مسؤليتى الشخصية وحاسبونى عليها نهاية الشهر ان احيانا الله ؟؟
والاهم بقى هو انى برشح كل جلسة سهمين للشراء؟
وحصل هجوم بسبب ذلك ايضا ؟
واوضح لية بوصى كل جلسة بسهمين انا بكتب لى الاف الاعضاء واللى كل واحد محفظتة غير الاخر وكمان تفكيرة مختلف عن الاخر ؟؟
قلذلك طبيعى جدا انى ارشح سهمين كل جلسة لان مش كل الالاف دى هتشترى كل جلسة اسهم توصياتى ؟ لاى سبب
عدم وجود سيولة؟
عدم اقتناع بالاسهم المرشحة؟
عدم اقتناع حتى بشخصى المتواضع؟ وعادى جدا لان دة الطبيعى وميزعلنيش ابدا؟؟
فياريت الاخوة المتشدقين يكونو فهمو اسلوبى مما كتبتة الان برغم انى عارف كويس انهم عارفين اسلوبى من الالف للياء؟
اعتقد كدة وضحت كل شىء ولا مجال بعد ذلك لاى شخص هيدخل يهرج هنا مرة اخرى لانة هيتوقف من قبل ادارتنا الواعية والحكيمة والتى وقفت جانبى ونصرتنى على تلك الاشخاص ودة دين فى عنقى بوعدهم امامكم انى بفضل الله ساكون اد المسؤلية برغم صعوبتها ولكنى كلى ثقة فى الله بان هذا الباب اللى وصفة الاشاوس اياهم بانة وصمة عار؟
بقول للجميع ان هذا الباب بامرك يارب بعد اسبوعين بالكتير سيكون محط انظار الجميع هنا وفى كل المنتديات الاخرى؟
دة مش غرور ولكنة ثقة بالله وبنفسى وقدرتى على عمل ذلك وياما عملت كدة فعلا فى كل المنتديات اللى كتبت بها واللى كانت ادارتها هشة وتجامل وتنصر الباطل على الحق ومعرفش ازاى يبقى ادارة منتدى اقتصادى تكون بهذة السذاجة والسوء فى تقدير المواقف؟
وهل يعقل ان امنح لقب مستثمر محترف فى منتدى خبراء البورصة قسما بربى بعد فتحى للباب باسبوع فقط؟ وهما عارفين صدق ما اقولة؟
ثم تاتى الادارة بعد ست شهور كاملة توقفنى وتغلق بابى دون اى انذار وبسبب الاشخاص اللى دائما ورايا فى اى مكان بكتب فية وهما كتير وبيغيرو اساميهم وايبيهاتهم اسبوعيا لانى اعرفهم معرفة شخصية وكنا اصدقاء ولكن الحقد جل من الاصدقاء اعداء؟
الناس استكترت عليا بعد ان كنت عضو عادى وبسال اصحاب الابواب الثابتة والمتميزة وبها كبار الخبراء ؟
بان يكرمنى الله واكون مثلهم بل واحيانا اعلى منهم وبشهادة مشرفين تلك المنتديات بلسانهم ليا كاعلى نسبة مشاهدة ومشاركة مع اسامى كبيرة جدا فى عالم البورصة ومنتدياتها وربى اعلم بان كل حرف بقولة هو الصدق بعينة ويحاسبنى علية ربنا يوم القيامة وربنا يخسف بيا الارض لو كنت بكتب اى شىء غير الحقيقة كما حدث معى من سنتين بالزبط وبالحرف الواحد؟؟
لذلك قررو الذهاب ورائى فى كل منتدى بكتب فية ويقومو بقول كل شىء عنى زورا وبهتانا ونسو انى ياما كبتهم الوفات مكانوش يحلمو بتحقيق ربعها قى شهور قليلة جدا؟؟ يعنى جزاء الاحسان ينفع يكون بهتان ؟ معلش طولت برضو عليكم ولكن كان لابد من كتابة كل ذلك حتى يتفهم كل الاخوة الاعضاء الناس دى بتعمل معايا كدة لية؟
وراعو تانى صفحة بالباب والله هتجدو مشاركة ليا كاتب بها بالحرف الواحد بان اول الباب ما يبتدى يسمع وتنجح توصياتة سيظهر تلك الاشخاص كالعادة لهدم ما بنيتة بتعب وجهد جبار ربنا وحدة اللى يعلم مدى التعب والارهاق الذهنى اللى بوصلة حتى اضع لحضراتكم افضل واقوى الاسهم خصوصا المضاربية لانى اعلم تماما ان دى فلوس وشقى عمر الكثيرين لانى واحد منكم فانا لست مليونيرا ولا عايش فى قصر او برج عاجى ؟
وعارف اد اية طعم المكسب وسعادتة؟ وايضا طعم الخسارة والتى بتبقى كالعلقم ؟؟
فهل بعد كل هذا اكون بهذا السوء اللى وصفونى بية مرارا وتكرارا؟ بانى لا افقة شىء؟؟
بذمتكم لو انا لا افقة شىء كنت اخدت لقب مستثمر محترف وفى اسبوع فى اكتر من منتدى احكمو انتو؟؟ واصل دة ديكا وهو اسم ظهورى بمنتدى بورصة مصر واللى وقفت واغلق بابى بة لسبب والله لو ذكرتة لتضحكو من قلوبكم؟ وهقولة عادى ؟
اخر مشاركة كان المنتدى حدث بة تغير وللاسف كان تغير سىء وكل الاعضاء اشتكو وطالبو بالعودة لشكل المنتدى القديم؟
وكل ما قلتة للادارة بناء على طلب معظم الاعضاء بانى ممكن اساعدكم فى اعادة المنتدى لشكلة القديم او بتحديثة بشكل ارقى ودة عن طريق احد اصدقائى من محترفى الهكرز ؟؟ قامت الدنيا لمجرد ذكر كلمة محترف هكرز وتم وقفى واغلاق الباب؟
بالذمة دة سبب منطقى لوقفى واغلاق بابى اللى استمر اكتر من 8 شهور وحقق مكاسب لا حصر لها كما حقق اعلى نسبة مشاهدة ومشاركة فى لقاء شخصى تم بينى وبين مدير المنتدى شخصيا؟؟
اترك الحكم لاصحاب الضمير الحى وليس لاصحاب الضمير الميت؟
وبجد بحمد ربنا انة هدانى لمنتدى بورصات واللى بقالى سنة مسجل بة والباب ايضا بقالة سنة من ديسمبر 2009؟ ويدوب كتبت بة اول تلت مشاركات ثم تم قبول عضويتى بمنتدى خبراء البورصة ولبيت الطلب وبرضو فضلت بى 6 شهور وايضا وقفت بسب الناس اللى جت هنا لعمل ما يفعلوة دائما فى اى مكان بكتب فية ليس من اجل نصح الناس وتخويفهم منى ومن توصياتى كما يدعو؟
ولكن لنفوسهم المريضة والمتكبرة وربنا يكفينا شر تلك الصفات البذيئة؟؟
واخيرا برضو عملو كدة فى منتدى المجموعة المصرية؟
وكالعادة انساقت الادارة ورائهم بعد شهرين من مدح الادارة ليا ولبابى وتوصياتى وبمجرد ظهور تلك الاشخاص وذكرهم لاسم ديكا واسامى ظهورى فى المنتديات المذكورة تم ايقافى ايضا بسببهم؟
الى ان وفقنى الله وهدانى بالكتابة هنا وعودتى للباب وشوف اول صفحة كانت بتاريخ كام؟ وتانى صفحة بتاريخ كام؟
وانتو تتاكدو بانفسكم بصدق كل كلمة ذكرتها عن نفسى فى تلك المشاركة؟
بكدة اكون قولت كل حاجة عن سيرتى الذاتية؟ واسف للاطالة
وكل الشكر والتقدير والاحترام لادارة ومشرفى منتدى بورصات العالمى الرائع بوقوفها بجانبى ولاول مرة اجد ادارة حقانية ولا تجامل ولا تنساق وراء كلام اشخاص ؟
وبوعدهم وبوعدكم جميعا اخواتى الغاليين بالمحافظة على كل مليم فى محافظكم وبتوصيات نارية بمعنى الكلمة وثقتى فى الله وقدراتى هى التى تمنحنى تلك الثقة فى نفسى لانى نجحت كثيرا ولله الحمد وعمرى ما خرجت من تلك المنتديات اللى ذكرتها الا بسب بعض الاشخاص المتكبرة؟ والحاقدة؟ وليس بسبب مثلا ان خسرت الناس وتوصياتى كلها فاشلة كما قالو وادعو ذلك هنا ايضا؟
اصحاب العقول فى راحة بذمتكم مين فى الخبراء مبيغلطش ولو مرة فى توصية ؟؟ مستحيل هتلاقو اعتى خبير ببورصتنا لا يوجد لة اسهم جانبة فيها الصواب ولم توفق وخسرت الناس ؟
دة امر طبيعى يا اخوانا مستحيل كل التوصيات هتكون ناجحة بنسبة 100% ابدا مهما عملنا؟
وانهى بان فى الاخر دى ارزاق مقسمها الخلاق واللى مكتوب على الجبين لازم تشوفو العين ولا مفر من قضاء الله وقدرة؟؟
لان ناس كتير بتنسى ان البورصة زيها زى اى شغلانة ؟ والرزق والمكسب والخسارة دى حاجات بيد المولى عز وجل؟
ولا حيلة لمخلوق فى رزقة اللى مكتوب مسبقا عند ملك الملوك؟
كتبت وقولت كل ما لدى بكل حب وصدق وامانة بحق اذان الفجر واللى انطلق الان وربى شاهد على كل كلمة كتبتها الان؟؟؟
وعشان اريح حضراتكم بعد الان عند توصيتى باسهم هكتب بجوارها اما سهم مضاربة واما سهم استثمارى ومدتة قصير ولا متوسط ولا طويل الاجل؟
واعتقد بكدة يبقى كل الامور واضحة للجميع كما ينبغى بالتمام والكمال؟
والكمال لله وحدة طبعا ولكن مجازا يعنى؟ وتانى بكرر واقول بوعدكم وبوعد الادارة المحترمة واللى متاكد من تثبيتها للباب بالكتير على اول العام الجديد 2011 لانها سترى بعينها وفكرها المستنير كم توصية رشحتها وحققت مكاسب محترمة جدا والله خير معين على ذلك؟
هقول اسهم التوصية لليوم بعد دقائق هصلى فيها الفجر بالجامع لانة تحت منزلى فركعتى الفجر فى جماعة خير من الدنيا وما عليها كما قال رسولنا الحبيب محمد صلى الله علية وسلم؟
ويا محلى ختام المشاركة بصلاة الفجر والصلاة والسلام على نبينا الحبيب وسيد الخلق اجمعين؟
ومتاسف تانى لطول المشاركة ؟؟
ولكن كان لابد من ذكر كل هذا حتى لا يستطيع احد بعها ان يمسك عليا غلطة واحدة بعون الله وفضلة؟؟
اخوكم المحب والمخلص لكم جميعا للابد
حسام الالفى

التوقيع

يارب الكون ارزقنا جميعا من حيث لا نحتسب اللهم امين

انوة تانى لحضراتكم بضرورة تطبيق مبداء وضع مستهدف لاى سهم بندخل فية للبيع علية وقولنا كتير نخلية 5% لانة الاقرب تحقيقا فى جلسة او اتنين؟؟
ولما نوصى بسهم ويعمل 5% اب منفكرش خالص ونبيع السهم ونقول الحمد لله وبارك الله فيما رزق ونشوف سهم اخر نكسب منة ؟؟وايضا لا قدر الله لو السهم هبط بينا بنفس النسبة ال 5 % ؟.
برضو نبيع فورا ونعمل عليها ستوب لوس؟
وصدقونى والله عن تجارب بعدد شعر راسى؟ ان دة اهم حاجة للتعامل مع الاسهم والبورصة؟
لازم نكون محددين مستهدف خاص بينا ويكون مبداء لا نغيرة مهما حصل ؟ مش نشترى وخلاص ومنعرفش نبيع امتى لنحقق مكسب جيد جدا ونخرج بسلام وامان من اى سهم؟
والاهم تطبيق مبدائنا ال 5% ؟
خصوصا حال عدم توفيقنا فى توصية لان دة وارد جدا مع اعتى خبير؟ ونبيع فورا (( ونعمل ستوب لوس؟ مش نفضل لحد ما السهم يهبط بينا 10 او 15% ؟ )
ونرجع نقول اة اتحبسنا فى السهم
وملحوظة هامة لما محدش يعمل ستوب لوس على 5%؟ ميجيش بعدها يتكلم ويقول خسرتنى لانى بقول اهو كل شىء ووالله دى عصارة خبرة 10 سنين؟ فى البورصة؟؟ وقسما بالله اللى هيتبع الكلام دة؟ سيجد نفسة ماشى فى الطريق الصحيح تماما؟؟
واحب اقول حاجة لما منعملش ستوب لوس على ال5%؟
اللى منفذش الكلام ووجد نفسة السهم هبط بية اكتر الى 10 وربما 15%؟
وبكدة تكون الخسارة كبيرة وفادحة؟ ويكون حبس نفسة فى السهم بيدة ؟؟
ومن خبرتى الطويلة لما بيحصل كدة؟ ناس بتفضل فى السهم ويقولك استنى لما يجيب سعرى؟
ونادرا ما بيحصل كدة وناس بتفضل مستنية سعرها شهر وشهور دون فايدة؟ وبكدة يضيع من ايدة فرصة التعويض من اسهم اخرى بتصعد وهو واقف محلك سر فى سهمة؟ بينما لو نفذ مبداء ال 5%؟ هيخرج باقل خسارة ممكنة ويكون معاة سيولة اللى بيها يقدر يدخل سهم اخر اقوى وصاعد ويعوض خسارتة فى اقل وقت ممكن؟
واخيرا؟ لازم اذكر بضرورة بقاء تلت مبلغ محفظة اى شخص (( سيولة نقدية ؟؟ )) حتى نستطيع اقتناص الفرص الذهبية حال هبوط السوق مثلا؟ وساعتها بتكون الاسهم فى اقل اسعارها السنوية؟؟ ارجو من حضراتكم الاقتناع والسير على مبدائنا بتاع ال5%؟ اب نبيع فورا ؟ دون برضو نبيع فورا وستوب لوس خسارة شلن افضل من خسارة جنية؟ ولا اية رايئكم ؟؟
والاسهم المرشحة وبقوة للشراء بها جلسة اليوم الاربعاء 8/12/2010 بامر الله وهى

1/ سهم المصرية لصناعة النشا والجلوكوز (( استثمار قصير الاجل ؟؟ ))

2/ سهم الشمس للاسكان والتعمير (( مضاربة قوية جدا؟؟ ))

واخيرا يارب حضراتكم تستفيدو من تلك الاسهم ومما قولتة للتعامل الصحيح والامثل مع السوق والاسهم ؟؟ وقسما بربى انى بحبكم فى الله ولا اريد لكم سوى كل الخير والمكسب الجيد بامر الله
وربنا كريم وبيدى كل واحد على اد نيتة؟؟ ويعلم ربى بمدى صدقى وحبى ونيتى الصادقة والخالصة لوجة الكلام؟ وبامر الله لن يخذلنا طول ما بنقول ما يرضى الله ورسولة بكل حب واخلاص ؟
ووالله كل من لسة مرتاب من العبد لله مش هقولة جرب معى ولو ب 100 سهم؟؟ فقط تابع معنا الباب وتوصياتة وشوف بنفسك مرة وعشرة؟ هل توصياتنا صائبة وبتحقق مكاسب جيدة ام لا ؟؟ وساعتها ابقى قرر بنفسك هل تحب ان تتعامل معنا وتاخد كلامى وتوصياتى ثقة ام لا تتعامل معنا وولا كانك بتقراء جريدة؟ لان فى الاخر كل واحد حر فى تعاملة ومع من يتعامل؟
وما علينا سوى النصح والارشاد ووضع التوصيات الجيدة فى التوقيت المناسب لنحقق دائما قدر الامكان وقدر ما ربنا يوفقنا مكاسب كبيرو تستحق ان نفخر بها وبكرر لاخر مرة دو وعد منى للادارة ولكم جميعا اخواتى الغاليين ؟؟ ))
جلسة سعيدة وخضراء على الجميع يارب العزة يا اكرم الاكرميين واى شىء او استفسار حول الاسهم المرشحة والسوق بوجة عام ؟؟ يسال كما شاء وسيجد الرد علية كما ينبغى ويمكن اكتر مما كان يتصور لانى حبيتكم وهفضل احبكم اكتر واكتر يوم بعد يوم ؟؟
اخوكم حسام الالفى
:confused 2:

التوقيع

يارب الكون ارزقنا جميعا من حيث لا نحتسب اللهم امين

شكرا علي ردك مرة أخري و لكن يبدو إني أخطأت التعبير فأنا مصري 100% و لكني مقيم في مسقط و أتعامل مع بورصة مسقط و لكن كما يقولون جحا أولى بلحم ثوره فقررت التعامل مع البورصة المصريةو كما إن بورصة مسقط بطيئه الإيقاع و مرة أخري شكرا

لا شكر على واجب اخى الغالى صلاح يا مصرى يا اصيل وياريت تكون صديق دائم لبابى المتواضع وبامر الله ستجد معنا كل الخير والمكاسب الجيدة واظن على حد قولك لى فى اول مشاركة انك متابع الباب منذ فتحة ودة طبعا شرف ليا؟؟
وبالتالى فهمت طبيعة تعاملنا هنا من حيث المضاربة القوية؟
بتمنى تكرار مشاركاتك معنا هنا خصوصا انك داخل جديد على سوقنا المصرى واكيد هتحتاج وقت ليس بالقصير؟ لمعرفة التعامل الجيد مع اسهمنا وسوقنا المصرى؟ ولله الحمد ان بورصتنا برغم كل ما بها من سلبيات؟ اسرع من سوق مسقط واللى وصفتة بالبطء الشديد؟
وبتمنالك كل خير وسعادة فى كل احوال حياتك العامة يارب؟؟
اخوك حسام

التوقيع

يارب الكون ارزقنا جميعا من حيث لا نحتسب اللهم امين

مش ممكن الاستمرار بهذة الطريقة ابدا؟؟ والنبى حد يقولى اعمل اية اكتر من كدة؟؟ لكسب ثقة حضراتكم فيا وفى توصياتى؟
واللى وعدت الادارة وكل الاعضاء بترشيح اقوى الاسهم المضاربية الصاعدة بامر الله تعالى ؟؟
يا جماعة الخير انتو مرايتى اللى من خلالها اقدر اقيم نفسى وادائى معكم؟ ودة مش هيحص الا بمشاركات حضراتكم لان مشاركاتكم والتحدث عن توصياتنا؟ هى الحاجة الوحيدة اللى اقدر وبسهولة جدا تقيم نفسى كويس ولو شايفين اى سلبيات اذكروها لى كى احسن من نفسى اكتر واكتر ؟ وعدم تكرار اى اخطاء قد تكون حدثت ومرت علينا هنا منذ فتحى للباب؟
لذلك بطلب من ادارتنا الواعية والمتفهمة كويس لما فى الصالح العام لنا جميعا؟؟
رجاااااااااااااااااااااااااااااااااااااااااااء
حااااااااااااااااااااااااااااااااااااااااااااار
من حضرات الاخوة المحترمين القائمين على الاشراف العام وادارة منتدى بورصات ككل ؟؟
(( بتثبيت الباب مع باب الدكتورة منى مشير ؟؟ لان ليس من المعقول منتدى بحجم منتدانا العملاق يكون بة باب واحد فقط مثبت ؟؟ للبورصة المصرية؟؟ ))
لان فى ذلك قمة الافادة والاستفادة للجميع ؟؟
وايضا كى يتابع الباب اكبر عدد ممكن من اعضاء منتدانا الغالى؟
لان من خبراتى الطويلة وكتاباتى المتعددة فى كل المنتديات الكبرى بمصر كما ذكرت بالامس؟؟
واكيد حضراتكم تعرفون جيدا الفرق الشاسع بين اى ابواب ثابتة فى اى منتدى ومدى نسبة المشاهدة العالية وكمان نسبة المشاركات العالية جدا ايضا ؟؟
وطلبى دة والله من اجل صالح الجميع وبحيث يستفيد اكبر عدد ممكن من حضراتكم ؟
فهل من مجيب لطلبى اتمنى اتمنى من اعماق قلبى بان تثبتو الباب وبوعكم بالمزيد والمزيد من الجهد؟؟ لوضع اقوى اسهم السوق صعودا بامر الله تعالى؟ وهتشوفو الفرق الشاسع بين حال الباب الان وعدم اى مشاركات؟ وبين حالة اذا تم ثبيتة؟
ووالله العظيم لا اريد من وراء ذلك اى شىء او مصالح شخصية فقط اريد ذلك لخدمة اخواتنا الغاليين؟؟ خالص النية وقاصد بها وجة رب العزة الكريم؟
لا اريد التثبيت من اجل القاب او من اجل مصلحة شخصية ؟
وجربونى ولو لاخر ما تبقى من هذا الشهر بس ثبتو الباب وتابعوة كويس يوميا وانا واثق من ان النتيجة ستكون مبهرة بامرك يارب؟؟
لان من المستحيل اوصى بسهم زى الشمس للاسكان جلسة امس وكلو شاف مدى صعودةالقوى جدا امس؟؟
(( وكاتب جنب كل توصية سهم ( سهم استمارى قصير الاجل------------- وسهم مضاربة قوية جدا ))
واطلعو لفوق فى هتلاقونى كاتب كدة بالزبط؟؟
معلش لو طولت عليكو؟
بس بجد زهقت وبدائت اشعر بقمة الملل ؟؟
حطو نفسكو مكانى ؟
بذمتكم مين هيفضل يسكت وميكلمش؟
انا بجد بشكركم جميعا على الفترة القصيرة التى قضيناها مع بعض هنا ؟؟
اخوكم حسام

التوقيع

يارب الكون ارزقنا جميعا من حيث لا نحتسب اللهم امين

وعموما ساقوم بواجبى لاقصى درجة عندى وربنا يسهل وتقبل الادارة طلبى بتثبيت الباب اللهم امين يا رب العالمين؟؟
والاسهم المرشحة للشراء بها جلسة اليوم الخميس 9/12/2010 بامر الله وهى

1/ سهم سيمو للورق ؟؟
(( استثمار ومضاربة على المدى القصير ))

2/ سهم المصريين فى الخارج ؟؟
(( مضاربة قوية جدا جدا عليه ))

يارب الكون وخالق الخلق اهدى الاخوة الاعضاء بمنتدانا الحبيب؟
لما فية الخير والمكسب دائما فانت وحدك القادر على ذلك؟؟
واخيرا جلسة موفقة علينا جميعا وتكون نهاية اسبوع على هايات جديدة وكبيرة لمعظم اسهم السوق كلة واسهم توصياتنا خصوصا؟
والله مبقتش عارف العيب فى اية؟ بس بوعدكولو الوضع دة هيفضل كدة اسهر طوال الليل وابحث بشتى الطرق اللى فى امكانى لاضع لكم اسهم توصية تكون دايما نمرة ون؟؟وليس نمرة تو؟؟
بفضل الله وحدة لا شريك لة ؟؟
اخيرا انوة بالاسهم المرشحة بقوة جدا للشراء بها جاسة اليوم وهو

1/ سهم سيمو للورق
(( استثمار ومضاربة قصيرة على المدى الفصير جدا بامر الله ))


2/ سهم المصريين فى الخارج

(( مضاربة قوية جدا جدا على السهم ))

قولت كل ما لدى من توصيات وربى اعلم مدى التعب الجبار وعدم نومى لاكتر تلت ايام؟
كى احصل على تلك الاسهم الصاعدة كصواريخ الهوك الامريكى والله الموفق والمستعان واقول تانى جلسة سعيدة وموفقة على الجميع يارب ؟؟
اخوكم المخلص لكم ما حييت
حسام الالفى

التوقيع

يارب الكون ارزقنا جميعا من حيث لا نحتسب اللهم امين

السلام عليكم حبيت ادخل الباب لكى اشكر حضرتك على مجهودك الكبير لاسعاد الناس واكيد فيه غيرى كثىر شاعر بمدى اخلاصك

سهم سيمو للورق(( استثمار ومضاربة قصيرة على المدى الفصير جدا بامر الله ))2/ سهم المصريين فى الخارج(( مضاربة قوية جدا جدا على السهم ))استاذ حسام ربنا يبارك فيك على مجهودك هذا ويجعله فى ميزان حسناتك لكن ارجو من حضرتك عندماتقوم بترشيح سهم تحددسعر الدخول فيه ولحضرتك جذيل الشكر

وعليكم السلام اختى شذاا
ومفيش شكر على واجب ؟؟
وانا اللى بشكر حضرتك لمرورك الكريم؟
وصدقونى والله العظيم وحياة ولادى انى احبكم كاخواتى واكتر؟
ولا اريد لكم سوى كل الخير والمكسب اللى يمنحكم السعادة واوزيل الهم والكائبة من على وجوهكم يا غاليين ومساعد لعمل اى حاجة كى اصل معكم لتلك المرحلة ؟
ولاخر مرة بقول اللى لسة شاكك فى نية العبد لله يبص فقط على توصياتى براحتة مرة اتنين عشرة لحد ما يتاكد بنفسة من صدق ما نقول والاهم نجاح اسهم توصياتنا اللهم امين
وجلسة خضراء وسعيدة علينا جميعا يارب
اخوكى حسام

التوقيع

يارب الكون ارزقنا جميعا من حيث لا نحتسب اللهم امين

شكرا لمرورك اخى الحبيب ماجد؟
ولكن تعلمت من اخطاء الماضى بان اترك سعر الشراء متروك فرى لحضراتكم حتى لا اعطى سعر يا يبقى هاى الجلسة يا يبقى لو الجلسة يا ميجيش خالص؟
وعشان خاطرك ولانك اول مرة تشرفنى فى بابى
/// سيمو الشراء الامثل اسفل ال 13 جنية ونص يبقى ممتاز جدا ؟
وللامان حول تلك النقطة مثلا 13 و40 شغال 13 و60 او 70 برضو شغال تمام.
/// المصريين فى الخارج من 7 و70 الى 7 و80 قرش ايضا ممتاز جدا؟
بس خلى بالك ممكن الاسعار دى متشوفهاش لو السوق اليوم كان حلو وصاعد فخليك مرن انت وغيرك فى التعامل؟
اهم حاجة يبقى مقتنع تماما بالسهم اللى عاوز تدخل فية وتشترية؟
وطالما قررت الدخول من الان صدقنى هتشترى السهم بافضل سعر ممكن؟
وملحوظة هامة ؟؟
نحاول دايما نقسم شرائنا على مرتين او تلاتة؟ بالبلدى متاخدش كل كميتك اللى عاوزها مرة واحدة وبسعر واحد طبعا لان الجلسة 4 ساعات ؟؟ وبها فترات طيران لورق قطاع معين وبتتغير الصورة والقطاعات ؟ خلال الجلسة يمكن تلت اربع مرات؟
لذلك نصيحة من القلب لك وللجميع عند الشراء لابد ان نقسم شرائنا يعنى مثلا هشترى 3 الاف سهم سيمو يبقى الشراء كالاتى اخد الف اول الجلسة ثم الف فى نص الجلسة واخيرا الف اخر الجلسة؟ وبكدة نكون اشترينا كميتنا صح وكمان عملنا متوسط شراء؟ ودة بقى شغل المحترفين بالزبط ؟
ونفس الشىءعند البيع برضو نقسم البيع على تلت مرات بنفس الطريقة بالزبط اللى ذكرتها اثناء الشراء؟؟
يارب اكون افادت حضرتك باى شىء من ردى ومشاركتى دى؟؟
اخوك حسام

التوقيع

يارب الكون ارزقنا جميعا من حيث لا نحتسب اللهم امين