روايه ضمني وحسسني بحنانك

:))

السلام عليكم ورحمه الله وبركاته

بنات كيفكم \اخباركم
،


**البارت الاول**

البندري | بندر : تومبوي ، بشرته برونزيه ، شعره بوي حييل قصير ، طويل و معضل و ما فيه ابدا ملامح انوثه ، عيونه وساع و تخقق لونها رمادي ، و حواجبه مرسومه ، خشمه سلة سيف ،
و ابتسامته تذوب الصخر ، وحيد امه و ابوه ، امه و ابوه توفوا في حادث قبل 6 سنين و ورث من ابوه شركات و اراضي و عقارات كثيرة يعني غني حييييييييل ثرائه فاحش
عايش بروحه في قصره عمره 25 و يدير شركات ابوه

ــــــــــــــــــــــــــــــــــــــــــــــــــ ـــــــــــــــ

..:: في الصباح ::..

( قام بندر من النوم و اخذ له شور حار و لبس سكيني جينز و بلوزه بيضاء و جاكيت رسمي جلد لونه بني و عمل شعره سبايكي و تعطر من عطره المميز و اخذ جوالاته و نزل )

بندر : حياه حياه
حياه : نعم مستر بندر
بندر : سوي لي كوفي
حياه : حاضر (راحت المطبخ )

( جلس في الصالة اللي يطغيها لون الاوف وايت و اخذ الجريده و بدء يقرأ اهم اخبار اليوم و يشرب قهوته )

بندر : لمتى بضل كذا انا محتاج احد يساعدني ابي سكرتيره خاصه لي بس في البيت ، بخلي فارس يدور لي على بنت سعوديه تعرف احتياجاتي و تفهمني و تجلس عندي طول الوقت
(لبس عبايته و حط الطرحة على كتفه راح بندر لشركته وهو مقرر ياخذ اجازة اسبوع )

ــــــــــــــــــــــــــــــــــــــــــــــــــ ــــــــــــــ

..:: في الشركة ..::

( دخل و الكل وقف له مع انه بنت بس الكل يخاف منه و مشي بثقه و دخل مكتبه و دخل وراه سكرتيره فارس)
بندر جلس على مكتبه : وش عندنا اليوم ؟!
فارس بقصد : عندنا يا طويلة العمر موعد مع الوفد الامريـ.....
قاطعه بحده : نععم !!
فارس توتر : اسف طال عمرك ما انتبهت
بندر : انتبه مره ثانيه مو كل مره احذرك
فارس : حاضر طال عمرك
بندر : كمل وش عندنا غير الوفد
فارس : عندك اجتماع مع مدراء شركاتك الباقيه ، و اليوم بنروح للجمعيات الخيريه و مثل ما قلت بنعطي كل جمعيه شيك بمبلغ 1000,000 ريال
بندر بتفكير : امممممم بس انا غيرت رأي
فارس : يعني الغي الشيكات و اوقف كل شيء
بندر : لا لا مو قصدي كذا
فارس : وش قصدك طال عمرك !
بندر : ابيك تلغي الشيكات و تروح الجمعيات الخيريه و تأخذ اسماء و عناوين العوائل اللي محتاجين مأونة ، و تكتب شيك لكل بيت 100,000 الف ، لاني ادري الجمعيات الخيريه بتلعب في الفلوس
فارس : حاضر طال عمرك ، بغيت شيء ثاني طال عمرك ؟
بندر تذكر : ايه ابيك تشوف لي بنت سعوديه على قد حالها
فارس باستغراب : ليش طال عمرك !!
بندر : ابيها تكون سكرتيره لي في البيت و ما ابي عمرها يتعدى الـ20 و ما يكون عندها مانع تجلس عندي طول الوقت
فارس بتفكير : امممممم الصصراحه طال عمرك في بنت خالتي عايشين على قد حالهم و هي تدور اي وظيفة تسترها و كانت مكلفتني ادور لها وظيفه
بندر: كم عمرها ؟
فارس : 19 سنة
بندر : ححلو ححلو
فارس : بس في مشكلة طال عمرك
بندر : وش هي
فارس : طال عمرك ابوها سكير و مو قد المسؤولية و محد يحبه
بندر : امممم طيب مو مشكلة ابيك تروح له انت و المحامي و تتفاهمو معاه و تخلونه يتنازل عن مسؤوليته لبنته و اعطوه مبلغ و قدره عشان يسكت
فارس : ليش هذا التصرف الحقير !!
بندر بحده : مو انت اللي تعلمني كيف اتصرف فاهم و لا لا
فارس : اسف طال عمرك ، و ان شاء اللله كل شيء بيصير مثل ما تبي ، عن اذنك ( و خرج )
( خلص بندر اشغاله في الشركة و راح للبيت و تغدى و اخذ له غفوة )

ــــــــــــــــــــــــــــــــــــــــــــــــــ ــــــــــــــــــــ

( في الليل )

..:: في بيت اول مره نروح له ::..

تولين: يبه فارس في المجلس و معاه واحد يبي يكلمك
ابو تولين: هذا وقته ! وش جايبه
تولين: ما ادري
ابو تولين: خلاص نقلعي غرفتك يا وجه النحس
( تضايقت من كلامه و طلعت غرفتها )

ــــــــــــــــــــــــــــــــــــــــــــــــــ ــــــــــــــــــــــــــ

تولين : بنت في قمة النعومة جميلة جدا بيضاء شعرها اشقر لنص ظهرها عيونها وساع لونها نيلي اخذت لون عيونها من امها الروسية خشمها سلة سيف جسمها جميل و بذات خصرها شفايفها صغيره و منفوخه عايشة مع ابوها سكير و لا يدري عن شيء خلصت الثانوي و جلست في البيت لان ابوها منعها تدخل الجامعة ، و هي تدور على وظيفة تسترها و تغنيها عن السؤال

ــــــــــــــــــــــــــــــــــــــــــــــــــ ـــــــــــــــــــــــــــ

..:: في المجلس ::..

ابو تولين سكران : وو..ش تبـ..ي !
فارس : ابي اكلمك في موضوع مهم ، و يكسبك ذهب
ابو تولين من سمع سيرة الفلوس صحصح : امر وش تبي يا الغالي
فارس بهمس : وقت المصالح تجيك الكلاب مشتاقه
ابو تولين : وش قلت !
فارس : اقول نبي بنتك تشتغل في بيت
ابو تولين : حاضر ما طلبت شيء بس بيت مين !!
فارس : بيت البندري الـ.....
ابو تولين انصدم من الاسم : اذا تبيها من الليله احنا حاضرين
فارس : بس في شروط
ابو تولين : وش هي
فارس : اسمعها من المحامي
المحامي : 1- تتنازل عن مسؤوليتك لبنتك للانسة البندري
2- تخلي بنتك تسكن عند الانسة البندري
3- اي غلطة من بنتك رح تضطر ترجع كل اللي اعطيناك هو
و اخر شيء حدد المبلغ اللي تبيه و بيوصل لك بكره
ابو تولين : خلاص ابي 500,000 الف و بنتي بتوصل لكم بكرا
فارس : بنخليها 1000,000 و انا برسل بكرا الصباح سيارة تاخذ بنتك
ابو تولين : طيب
المحامي : ممكن يا اخ توقع هنا
ابو تولين : طيب ( وقع )
فارس : على بركة الله ، يلا مع السلامة
( و خرج فارس و المحامي من البيت و ابو تولين طاير من الوناسة و راحح غرفة تولين)
ابو تولين : فرجت يا بنتي فرجت
تولين باستغراب : يبه وش فيك
ابو تولين : انتي مو صار لك كم يوم راجتني تبي تشتغلين
تولين : ايه
ابو تولين : انا لقيت لك شغل
تولين بفرح : صدق يبه
ابو تولين : ايه و بفتك منك و من مصاريفك
تولين حز في خاطرها : وين الشغل
ابو تولين : بتشتغلي في بيت
تولين انصدمت : نعععم !!
ابو تولين : ما بتكوني خدامة رح تكوني سكرتيرة صاحبة البيت
تولين : يبه ما ابي
ابو تولين : مو على كيفك انا خلاص وقعت العقد
تولين بضيق : يبه كيف توقع عني ، انا ما ابي اشتغل في بيوت ابي اشتغل في دائرة حكومية
ابو تولين بحدة : اقول قومي جهزي اغراضك لان سواق الاستاذه البندري بيجي بكرا الصباح و بياخذك لبيتها
تولين تبكي : اهئ يبه تكفى ما ابي اهئ اهئ
ابو تولين : اقول بلا دلع بنات و جهزي غراضك ( وشد شعرها ) و يا ويلك لو فشلتيني قدام الاستاذه البندري
تولين : اءءءءءء طيب طيب
ابو تولين : الله يلعنك انتي و امك ( و خرج من غرفتها )
( تولين جلست تجهز غراضها و تبكي في نفس الوقت و خلصت و نامت على طول )

ــــــــــــــــــــــــــــــــــــــــــــــــــ ـــــــــــــــــــــ

..:: بيت البندري | بندر ..::

دق جوال بندر و المتصل فارس
رد بندر : ها فارس
فارس : طال عمرك لقيت لك سكرتيره
بندر : ححلو ححلو
فارس : و بتجيك بكرا الصباح
بندر: ححلو ححلو ، اقول فارس انا بأخذ جازة اسبوع اهتم انت بالشركة
فارس : حاضر طال عمرك
بندر : سلام ( و قفل )








**نهاية البارت**




قولولي رأيكم في الرواية اذا كانت حلوة بكمل و اذا كانت العكس بوقف

جزاكم الله خيرا

ودى واحترامى

سبحان الله وبحمده سبحان الله العظيم
بعدد خلقه وزنة عرشه ورضا نفسه ومداد كلماته