• 1:48 مساءاً




رواية جرحني وصار معشوقي الجزء الاول الارشيف

إضافة رد
عضو فـعّـال
تاريخ التسجيل: May 2015
المشاركات: 1,439
معدل تقييم المستوى: 10
Instegram is on a distinguished road
19 - 05 - 2015, 03:49 PM
  #1
Instegram غير متواجد حالياً  
افتراضي رواية جرحني وصار معشوقي الجزء الاول الارشيف

**************
صحت ع ضربات قويه ع الباب قامت وفتحته وشافته واقف قدامها..
رعد بنفاذ صبر:صح النوم كان ماصحيتي
لميس:خير
رعد:اجهزي بنروح لأهلي اللحين
دخلت غرفته لأن ملابسها عنده في الدولاب كانت فخمه مرره وكبيره لونها أحمر رايق وباقات والورد بكل مكان إبتسمت بسخري ودخلت غرفة الملابس المفتوحه ع الغرفه وطلعت لها تيور فخم ..لازم تنقل ملابسها عندها علشان ماتضطر تدخل غرفته..
طلعت بس قابلها رعد عند الباب ووقفت
رعد:خلصي بسرعه
دخلت غرفتها ولبست ملابسها وفكت شعرها بشكل حلو وحطت مكياج ناعم ولبست عباتها مع إنهم مارح يضطروا يطلعوا للشارع بيدخلوا من البوابه اللي بين القصر بس إحتياط إذا قابلت واحد من العيال وطلعت...

دخلوا واستقبلتهم ريم بالأحضان والدموع كعادتها دخلوا للصاله وكان الكل موجود سلموا وجلسوا شوي وصعدت لميس فوق لماوصلت الكوفير علشان تجهز...
*************
تأففت معاها الجوال وهي تنتظر رائد يجي ياخذها وكل شوي تدق عليه
ساره:اصبري وروحي معانا
أمل تدق:لا مابي أبغى أروح مبكر....أففف أنا مادري وينه قايله له إني بروح معاها..
طلعت ساره تتجهز وأمل جالسه تنتظر رائد اللي معطيها
طاف ولا جا ياخذها....
************
أم ماجد وبناتها وصلوا أول الحاضرين والبنات راحوا فوق عند لميس اللي خلصت من مكياجها وشعرها...
سديم:والله ياميسو محلوه
سميه بعفويه وإندفاع:شكلي بعرس دام العرس يحلي كذا
لميس وريم ابتسموا وسديم انصدمت وسكتت وهي تناظروجه إختها الله أظلم لمااستوعبت اللي قالته..
ريم حاسه بسميه وقالت:يالله
لميس ادخلي البسي الفستان تلاقينه داخل
لميس ضمت ريم:مشكووره ريم ع الفستان
ريم ضحكت:اللحين البسيه وشوفيه أول بعدين شكريني يمكن مايعجبك
لميس:أكيد بيعجبني إنت كلك ذوق
سميه:وش السالفه
ريم قالت لهم وسديم ضحكت:ههههه اجل ترى فستان زواجي عليك
ريم:من عيوني
دخلت لميس للغرفه تلبس الفستان والبنات جلسوا ينتظرونها
***************
رشا:مولازم تروحين
دلال فتحت دولابها :لابروح مابي أحد يتشمت فيني
رشا:بكيفك
لبست فستان قصير أسود توب وحطت مكياج صارخ حلاها..
رشا:وا ا ا او تجنني
دلال تعطرت :طبعا وبخلي رعد يعض أصابعه ندم
رشا:مارح تخلينه..لأنك بتتغطي عنه
دلال:لا مارح أتغطى وبقهر لميسوه
رشا:بس لازم تتغطي هو خلاص تزوج
دلال عصبت:لا مارح أتغطى محد له دخل فيني
ولفت لها:وبعدين إياني وإياك تضيعي فيصل من إيدك سامعه
إبتسمت رشا:لا تخافين ماح أضيعه بس تصدفين..أحس إن أمل تحبه
انصدمت ولفت تناظرها:إيــــش
وإنتي إيش عرفك
رشا:نظراتها له وأحسها تغار و...."قالت لها اللي صارقبل لما كانوا عندهم وطلعت له كيف عصبت أمل"
مسكتها دلال من ذراعها:ياويلك لو تركتيه لها
رشا فكت إيدها بخبث:مارح أتركه
دلال بتفكير:أثاريك تخططين وترسمين ياأمول ماانتي هينه
*************
:بســــــــا ا ا ا ا ا ا ام يالله بســــرعه
نزل معاه شماغه:طيب طيب
البندري:بسرعه تأخرنا
بسام ناظرت ساعته:لا تونا ليه
مستعجلين
البندري:ريم محرصه علي أجي بدري
لف بسام للمرايه يلبس شماغه وهو يبتسم من طاريها..
طلت بوجهه:آها آها شفتها شفتها
ضحك:أقول انقلعي البسي عباتك صاجتني وآخرتها مالبستيها
كشرت وهي تلبس عباتها:أيوه صرف بس صرف إنت وذا الأسلوب
طلعت أمه من الصاله معاها بشرى :يالله خلصت
بسام:أيوه يالله اطلعوا
************
طلع رعد من غرفته وفي طريقه سمع صوت البنات من غرفة ريم وشاف الباب مفتوح وسميه وسديم وريم واقفين عند غرفة الملابس
سميه:يالله لموس كل هذا لبس
طلعت لميس وكانت لابسه فستان أبيض يشع منه النور وبشرتها البيضا مع اللون الأبيض صايره ورديه الفستان روعه يجنن عليها كان ناعم وفيه كريستالات خفيفه فوشيه وورديه كانت مستحيه ومنزله راسها من تصفيق البنات وتصفيرهم
سديم:ياعيني ماقدر ع اللي يستحون
رفعت راسهاوضحكت:هههه حلو
وصارت تدور فيه مثل الحوريه
والبنات منهبلين عليها ويضحكوا
رعد يطالعها وكأنها فراشه تطير ومبهور فيها..كانت روعه آيه في الجمال..حس بشعور كان يخفيه ودافنه تفجر داخله وقلبه بدا يدق بقوه وحرارة جسمه إرتفعت وعيونه تتأملها بانبهار...
لميس انتبهت لرعد واقف عند الباب ويناظرها..مغصها بطنها ودق قلبها ووجهها اشتعل تمنت الكل يشوفها بالفستان إلا هــــو
سديم وسميه شافوا رعد وعلطول راحوا وسلموا عليه
سديم:الحمد لله ع السلامه
رعد يحاول مايناظر لميس وناظر سديم:الله يسلمك
سميه ضحكت:حتى إنت بعد محلو
رفعت راسها لميس وناظرت رعد اللي يحاكي البنات ويضحك
شكله مرره جذاب والشماغ عليه يجنن..
نزلت عيونها مرتبكه وتبيه يطلع بسرعه..بس انصعقــــت لماسمعت ريم تقول بخبث:رعد شرايك بلميس ترى الفستان هديه مني
رفعت راسها تناظر ريم بقهر وقلبها يغوص داخلها...
رعد ناظر لميس وهي صدت بوجهها عنه مقهوره وتتوعد في ريم ووجهها قلب أحمر
رعد بصوت ببرود:حلو الفستان
ذوقك حلو
انقهرت لميس من رده لأن متعمد يصرف ويلف
ريم تخزه:أصلا لميس محليته
ابتسم وطلع وسديم وسميه يضحكون
سديم:حرام عليك أحرجتيه
سميه: تلاقينه ميت ع شكلها وينتظر بس تخلص الحفله
لميس انحرجت وناظرت ريم بعتاب وقهر
**************
نزلت تتمخطر في مشيتها عليها فستان كوتيل وشعرها مسيحته وحاطه مكياج حلو وطالعه تهبل
ناظرت زياد الواقف عند أبوها بغنج ودلع ووقفت بإغراء..:يالله بابا أنا جاهزه
أبو مرام:إيش هالحلا والزين هذا كله
إبتسمت وضمت ذراع أبوها متعمده علشان تكون قريبه من زياد الواقف جنب أبوها:طالعه ع أبوي حبيبي
حوطها أبوها من خصرها وقال:عقبال ماأشوفك عروسه وأزفك لزوجك
قال كلمته الأخيره وهويناظر في زياد بعمد
طار عقلها فرحه وشوي تبوس راس أبوها لماشافت نظراته المتعمده لزياد وناظرت زياد بدلع وتحدي..
دخل ريان:يالله ياخال
ناظرفي مرام بإعجاب ووله ومايخفى وهي بادلت النظرات ورجعت تناظر زياد اللي مشمئز منها تلعب ع الحبلين ..و الخوف للحين يلعب فيه من حكي عمه ونظراته اللي وصلت له رساله صريحه....
طلعوا متجهين لقصر أبو رعد ..
****************
دخلت لميس بزفه هاديه وسلمت وجلست في مكانها المخصص ..وعيون دلال تناظرها وشوي تموت الغيظ والقهر
رهف تناظر رغد الجايه لهم:شخبار البيبي
رغد جلست بصعوبه لأنها بشهورها الأخيره:تمام بس متعب أمه شوي
ساره:تصدقين أتوقع إنهم توأم
رغد بخوف:ليه
ساره:لأن بطنك ماشاءالله كبير وأتوقع إنهم توأم
رغد:لا مابي
رهف:ليه
رغد:مادري هو حلو بس أخاف ولادة التوأم متعبه مره
رهف:ههههه لاتخافين بلعكس وناسه التوأم بينسونك تعبك إذا شفتيهم
ساره:أجل الله يرزق بتوأم
أمل:إلا رغوده إذا صاروا توأم وش راح تسمينهم
رغد تفكر:أممم إذا كانوا أولاد سعود ومشاري
رهف:وإذا بنات
ريم:ديم وديما
أمل:لا أممم جولي وجوانا
ساره:هههه أقول انقلع بس أفلام كرتون هم
البنات ضحكوا
رهف:اللحين قعدتوا تسمون والأبو صار ماله رأي
رغد:ههههه صادقه
ريم تقلد رغد لماتتكلم عن عمر:لا عموري حبوب ومايزعل بعد قلبي والله
ضحكوا البنات ورغد تهاوشها:لا والله..والله لومالي كرش كان وريتك
ريم:هههههه أشوى
جلست لميس مع البنات يسولفوا
أمل:لميس شرايك عجبتك باريس
لميس:أيوه
ريم:أكيد بتعجبهم دام معاها رعد
لميس بتقهر دلال وقالت بدلع:أصلا ماحلى باريس إلا رعودي بعد قلبي
ريم ضحكت لماشافت وجه دلال اللي تغير...
************
رائد جالس جنب فيصل وجنب فيصل بسام
ورائد يسوم مع بسام وفيصل طفش منه لأنه جالس بالنص بينهم:رائد ابعد شوي فقعت إذني
رائد:وين أروح
فيصل:روح أجلس جنب عبدالله شف ماجنبه أحد
رائد:لا بحاكي بسام سد أذانك إنت
أبو بسام:مبروك يارعد واعذرني لأني ماحضرت زواجك
رحلت العمل طولت هالمره ومنعتني بس إن شاء الله نحضر زواج عيالك
رعد:معذور وماتقصر
أبوبسام:عقبال فيصل إن شاءالله
أبو رعد:آمين
فيصل ساح بكرسيه وبسام ضحك عليه:شفيك أهجد
فيصل بين أسنانه:انطم عاجبك ها
بسام:ههههههه
رائد بنذاله:يارب إن شاءالله أحضرعرسك قريب
فيصل ناظره رافع حاجبه:ومن قال إني بعزمك
رائد بتميلح:أدري أصلا ماتقدر تستغني عني
فيصل:أيوه ماقدر أخاف أنجلط ليلة عرسي...(دفه من كتفه)اسكت بس
رد جوال رائد وقام وداس ع رجل فيصل بقوه بعمد..
حمر وجه فيصل من الألم وشكله مضحك ومايقدر يسوي
شئ وماسك نفسه
بسام:هههههه
فيصل:آآخ والله ماأخليه هالدب
طلع رائد يحاكي فرح وهو يضحك ع اللي سواه في فيصل
بسام:أقول فيصل الرجال هذا من
ناظر فيصل في زياد الجالس جنب أبومرام:هذا زياد ال...يصير سامي ال...خاله وهوماشاءالله دكتور جراحه
بسام:ماشاءالله وهذا أخوه
فيصل ناظر في ريان اللي يسولف مع عبدالله:أيوه هذا أخوه ريان
بسام:ودكتور بعد
فيصل:لا يشتغل في بنك ع ماأظن
بسام:آها شكله صاحب عبدالله
فيصل:أيوه
************

ريم قامت للمطبخ تشييك ع شغل الخدم وتشوف القهوه خلصت وإلا وقامت معاها أمل
مسكت جوالها ودقت ع عادل
علشان يجي ياخذ القهوه بس عادل ماعطاها وجه ولارد لأنه
يعرف إنهم يبغونه يجيب القهوه
سكرت الجوال بعصبيه:عدول الزفت معطيني طاف
أمل:أخوك شكله عجاز
دقت ع فيصل:ألو
جاها صوته مع صوت الإزعاج اللي عنده:هلا
ريم:تعال خذ القهوه عند المطبخ
فيصل:وعادل ليه مايروح
ريم:عادل عجاز تعال بسرعه لاتبرد
فيصل:طيب طيب
قام ولف ع عادل:قم
عادل:وشو
فيصل:تعال جيب معي القهوه
عادل:ماقدر رجلي نايمه وتنمل
فيصل:أقول قم بلا خراط
عادل يتصنع الألم:قلت لك ماقدر تبغاني أطيح عند الرجال
فيصل يتطنز:بسم الله عليك
بسام كان مستمع ضحك ع لف عادل وقال:خلاص أنا أشيلها معك
فيصل ناظرعادل بحده:ماتستحي الضيف يشيلها وانت جالس
بسام بزعل:شدعوه أنا موضيف
فيصل:تسلم بسام
لف ع عادل وقال:حسابك بعدين
وطلع مع بسام للمطبخ
في المطبخ
ريم بنرفزه:وينه هذا
أمل جالسه ع الكرسي وتشرب عصير:أصبري
ريم:آلمتني يدي الصينيه ثقيله
أمل:عطيها وحده من الخدامات تعطيه إياها
ريم توسعت عيونها:مجنونه تبغينه يذبحني..مايواطن الخدامات يقربوا منه أو يحاكيهم
وتبغيني أخليها تعطيه الصينيه والله إن يكسرها ع راسها وراسي معها
أمل تفاجأت وإبتسمت داخلها..كبر بعينها مرره..
دق عليهادقه وأخذت القهوه وطلعت..
مدتها له:تفضل

رواية جرحني وصار معشوقي الجزء الاول الارشيف


[عذراً, فقط الأعضاء يمكنهم مشاهدة الروابط ]



رواية جرحني وصار معشوقي الجزء الاول الارشيف

التوقيع

signature
رد مع اقتباس


إضافة رد

أدوات الموضوع


جديد مواضيع استراحة بورصات

المواضيع المتشابهه
الموضوع كاتب الموضوع المنتدى مشاركات آخر مشاركة
رواية جرحني وصار معشوقي الجزء الاول والثاني Instegram القسم الادبي ، شعر ، قصص ، روايات 1 06 - 06 - 2016 11:52 AM
رواية جرحني وصار معشوقي الجزء الاول منتدى غرام Instegram القسم الادبي ، شعر ، قصص ، روايات 1 06 - 06 - 2016 11:51 AM
رواية جرحني وصار معشوقي الجزء الاول Instegram القسم الادبي ، شعر ، قصص ، روايات 1 06 - 06 - 2016 11:50 AM
رواية جرحني وصار معشوقي الارشيف Instegram استراحة بورصات 0 18 - 05 - 2015 06:18 PM


01:48 PM